குமிழி

சோயா உணவு ஆண்களில் விந்து உற்பத்தியை பாதிக்கலாம்

2008-07-24T15:13:00.004-05:00

சோயா உணவுகளை அதிக அளவில் உட்கொள்வது ஆண்களில் விந்து உற்பத்தியை பாதிக்கலாம் என அண்மைய ஆராய்சிகள் தெரிவிக்கிறன.
சோயா உணவை உட்கொள்ளும் ஆண்களில் காணப்படும் விந்து கலங்களின் எண்ணிக்கை சோயா உணவை உட்கொள்ளாத ஆண்களிலும் குறைவாக இருப்பதாக அறியப்பட்டுள்ளது. 15 வகையான சோயா உணவுகளை கொடுத்து செய்யப்பட்ட ஆராய்ச்சியில் சோயா உணவை உட்கொண்ட ஆண்கள் 41 மில்லியன் விந்து கலங்கள் / மில்லி லீற்றர் விந்து பாயத்தில் (திரவத்தில் )காணப்படுவதாகவும், இது பொதுவாக ஆண்களில் காணப்படும் சராசரி விந்து எண்ணிக்கையான 66 மில்லியன் விந்து கலங்கள்/ மில்லிலீற்றர் விந்து பாயத்திலும் கணிசமான அளவு குறைவாகும்.

சோயா உணவுகளில் உள்ள ஐசோ பிளேவோன்கள் (isoflavone)இதில் முக்கிய பங்கு வகிப்பதாக சொல்லப்படுகிறது. சோயா உணவுகளில், மற்றும் சில தாவர உணவுகளில் காணப்படும் தாவர ஈஸ்ரோஜன் (phytoestrogens) பெண்களில் காணப்படும் ஈஸ்ரோஜன் ஓமோனின் விளைவை ஒத்த விளைவை ஏற்படுத்துவதால் ஆண்களில் விந்து கலங்களின் எண்ணிக்கை, விந்து கலங்களின் அசையும் திறன், விந்தின் தரம் இறுதியில் உடலுறவுக்கான விருப்பம் என்பவற்றை பாதிப்பதாக சொல்லப்படுகிறது.

ஆனால் அண்மைய ஆய்வில் சோயா உணவு பற்றிய ஆய்வு விந்து கலங்களின் அசையும் திறன், விந்து கலங்களின் உருவ அமைப்பு, மற்றும் விந்து பாயத்தின் அளவுடன் தொடர்பை கொண்டிருக்கவில்லை என சொல்லப்படுகிறது.

மேலும் அதிக நிறையுடையவர்களிலும் விந்து கலங்களின் எண்ணிக்கை சாதாரணமானவர்களை விட குறைவாக இருப்பதாக அறியப்பட்டுள்ளது.

இந்த ஆராய்ச்சி முடிவு கடந்த மாத விஞ்ஞான/ அறிவியல் ஏடு ஒன்றில் வந்ததாகும். ஆனால் 2005 ஆம் ஆண்டில் இது பற்றி ஒரு அறிக்கை அறிவியல் கூட்டம் ஒன்றில் வாசிக்கப்பட்ட போது அந்த அறிக்கையை நிராகரித்து வட அமெரிக்க சோய உணவு கூட்டமைப்பு வெளியிட்ட அறிக்கை இது. இந்த அறிக்கையில் இந்த விடயம் பற்றி எந்த அறிவியல் ஏடுகளிலும் ஆய்வு கட்டுரைகள் சமர்ப்பிக்கப்படவில்லை எம்பதும் ஒரு முக்கிய காரணமாக அவர்களால் சொல்லப்பட்டுள்ளது (Fraser’s findings have not been published in a peer reviewed journal) . அண்மைய ஆய்வு முடிவு அங்கீகரிக்கப்பட்ட ஒரு விஞ்ஞான ஏட்டில் வெளிவந்திருக்கிறது. இதைபற்றி என்ன சொல்லப்போகிறார்கள் என தெரியவில்லை. வட அமெரிக்காவில் ஒரு முக்கிய வியாபார பயிராக விளங்கிவரும் சோயாவினால் வரக்கூடிய பாதகமான விளைவுகள் பற்றி அதிகம் ஆய்வு செய்யப்படாமைக்கு பொருளாதார ரீதியில் பலமான இப்படியான அமைப்புக்களும் காரணமாக இருக்கலாம். ஏன் எனில் சோய உணவின் நன்மைகள் பற்றிய ஆய்வுகளே அதிகம் வெளிவந்து இருக்கிறன/ வெளிவருகிறன.

உருளைகிழங்கிலும் நஞ்சுண்டு

2007-10-21T12:49:00.000-05:00

உருளைகிழங்கிலும் நஞ்சுண்டு என சொன்னால் ஆச்சரியமாக இருக்கிறதா? இங்கு நஞ்சு என்று சொல்ல வருவது விவசாயிகள் பயிர்ச்செய்கைக்கு பாவிக்கும் பூச்சிமருந்துகள் (insecticide), பூஞ்சண கொல்லிகள் (Fungicide) பற்றியல்ல. இது இயற்கையாகவே உருளைக்கிழங்கு மற்றும் அதனோடு இணைந்த குடும்பத்தை சேர்ந்த தாவரங்களான தக்காளி, கத்தரி, புகையிலை போன்ற தாவர இனங்கள் தம்மை தாக்கும் பூச்சி பீடைகளில் இருந்தும் நோயை ஏற்படுத்தும் பூஞ்சண இனங்களில் இருந்தும் பாதுகாத்துகொள்ள உருவாக்கும் இயற்கையான பாதுகாப்புச்செயன்முறை.

உருளைகிழங்கு தாவரம் தன்னை பாதுக்காக்க உருவாக்கும் நச்சு பதார்த்ததின் பெயர் சொலானின் (Solanine) எனும் ஒரு கிளைக்கோஅல்கலோயிட்(Glycoalkaloid).

மனிதருக்கு நோயை ஏற்படுத்த மிகச்சிறிய அளவு சொலானின் போதுமானது. 2-5 மில்லிகிராம்/கிலோகிராம் உடல் நிறை எனும் அளவு சொலானின் மனிதரில் நோய் ஏற்படுத்த போதுமானது.
மிக அதிக அளவில் உள்ளெடுக்கப்பட்டால் மரணமும் சம்பவிக்கலாம்.

சொலானினால் பாதிக்கப்படும் உறுப்புக்கள்: சமிபாட்டு தொகுதி, நரம்பு தொகுதி.

நோய் அரும்பு காலம்: 8-12 மணி நேரம். சில நேரங்களில் 30 நிமிடத்தில் கூட அறிகுறிகள் வெளித்தெரியலாம்.

அறிகுறிகள்:
மயக்கம், அல்லது nausea
வயிற்று போக்கு- diarrhea,
வாந்தி- vomiting,
வயிற்று உபாதை- stomach cramps,
தொண்டை எரிவு- burning of the throat,
heart arrhythmia,
தலைவலி -headache
dizziness

உருளைகிழங்கு சூரிய ஒளிக்கு வெளிப்படுத்தப்படும் போது அல்லது மின் விளக்கு ஒளிக்கு வெளிப்படுத்தப்படும் போது சொலானின் அதிக அளவில் உருவாகிறது. இது இயற்கையாக மண்ணுக்கு அடியில் இருக்கும் கிழங்கு மண்ணுக்கு வெளியே கொண்டுவரப்படும் போது கிழங்கை உண்ணும் பூச்சிகள், நோய் ஏற்படுத்தும் பூஞ்சணங்களை எதிர்க்க உருளைகிழங்கு மேற்கொள்ளும் வழிமுறை. அத்துடன் பூஞ்சண தொற்று நோய்கள் உருளை கிழங்கு பயிரையோ அல்லது உருளை கிழங்கையோ தாக்கும் போது சொலானின் அளவு மிக வேகமாக அதிகரிக்கும்.

எப்படி நாம் சொலானின் நச்சுபொருள் இருக்கும் உருளை கிழங்கை அறிவது:

பொதுவாக உருளைகிழங்கு சூரிய ஒளிக்கு, அல்லது மின் விளக்கு ஒளிக்கு வெளிப்படுத்தப்படும் பொது அதன் மேற்பரப்பு பச்சை நிறமாக மாறும். இது சாதாரணமாக இலைகள், தண்டுகள் போன்றவை கொண்டுள்ள பச்சயம் (chlorophyll) எனும் ஒளித்தொகுப்பிற்கு (photosynthesis) உதவும் ஒரு நஞ்சற்ற, ஒரு பதார்த்தம். பச்சயம் (chlorophyll) உருவாகும் செயன்முறைக்கு சமாந்தரமாக சொலானின் எனும் நஞ்சு பொருள் உருவாக்கமும் நடைபெறும். ஆனால் இரண்டும் ஒன்றோடு ஒன்று இணைந்த செயன்முறையல்ல. உருளைகிழங்கு அதிக அளவில் பச்சை நிறமாக இருக்கிறது என்றால் அங்கு சொலானின் என்ற நச்சு பொருளும் அதிக அளவில் இருக்க்கிறது என்றே அர்த்தமாகும். அத்துடன் சொலானின் கொண்ட உருளை கிழங்கு கசப்புச்சுவையை கொடுக்கும். அதே போல உருளை கிழங்கு முளைக்க ஆரம்பிக்கும் போதும் சொலானின் அளவு அதிகரிக்கும்.

பட மூலம்: http://home.cc.umanitoba.ca/

சொலானின் நச்சுபொருள் பொதுவாக நீரில் அவிக்கும் போது அழிவடையாது உருளைகிழங்கில் இருக்கும். எனவே சமைத்த உருளைகிழங்கு கூட பாதுகாப்பானதல்ல.
முழுமையாக எண்ணேயில் மூழ்க செய்து பொரிக்கும் முறையில் சொலானின் அளவு குறைவடையலாம்.

சொலானின் உள்ள உருளை கிழங்கை எப்படி சமைப்பது?

உருளை கிழங்கை நன்கு கழுவி சுத்தம் செய்த பின் உருளை கிழங்கை அவதானித்து பார்க்கவும்.

உருளை கிழங்கு பச்சை நிறமாக இருந்தால் பச்சை நிறம் எவ்வளவுக்கு இருக்கிறதோ அவ்வளவு பகுதியினுடைய மேல் தோல், மற்றும் கிழங்கின் உள்ளே பச்சை நிறம் பரவியிருக்க கூடிய பகுதிகள் அனைத்தையும் வெட்டி அகற்றி பின் சமைக்கவும்.

ஒவ்வாமை (allergy) இருப்பவர்கள் இப்படியான பச்சை நிறமான உருளை கிழங்கை சமைப்பதை தவிர்ப்பது நல்லது.

வீடுகளில் உருளை கிழங்கை ஒளிபடாது பாதுகாத்துவைப்பது அவசியம்.

பூசண தொற்று ஏற்பட்ட உருளை கிழங்கை சமைப்பதை தவிர்த்தல்: சில நேரம் பூசண தொற்று ஏற்பட்டு அழுகிய பகுதியை வெட்டி அகற்றி மிகுதியை சமைப்பவர்கள் அதை முழுமைக்க தவிர்க்க வேண்டும்.

முளைத்த/ முளைஅரும்பிய உருளைகிழங்கை சமைப்பதை தவிர்த்தல்

உசாத்துணை:
http://www.ianrpubs.unl.edu/epublic/pages/publicationD.jsp?publicationId=208

http://www.actahort.org/books/38/38_20.htm
http://en.wikipedia.org/wiki/Solanine

உணவில் நார் சத்தின் முக்கியத்துவம்

2007-04-25T14:09:00.000-05:00

நல வாழ்விற்கு உணவில் நார்சத்து போதுமான (Dietary fiber) இருப்பது முக்கியமாகும்.

நார் சத்து என்றால்?

உள்ளெடுக்கப்படும் உணவில் சமிபாட்டு தொகுதியில் சமிபாடடையாது மலத்துடன் வெளியேறும் உணவு பகுதி என பொதுவாக வரைவிலக்கணப்படுத்தப்படுகிறது.

நார் சத்துள்ள உணவு பொருட்கள் தாவர உணவுகளில் அதிகளவு கிடைக்கின்றன. நார்சத்துக்கள் எனும் போது அவை மாப்பொருள் சாராத பல் சக்கரைட்டுக்கள் (non-starch polysaccharides), செலுலோஸ், டெக்றீன்கள், இனுலின், லிக்னின், மெழுகுகள், கைற்றின்,பெக்ரின், பீற்ற குளுக்கான்கள் ( cellulose, dextrins, inulin, lignin, waxes, chitins, pectins, beta-glucans)என பலபல்பகுதியங்களை உள்ளடக்கியதாகும்.

இவற்றை நீரில் கரையும் இயல்பை கொண்டு

1. கரையும் நார்கள் (Soluble fiber)

இவை நீரில் கரைய கூடியவை. இவை குருதியில் கொல்ஸ்திரோல் அளவையும், வெல்ல அளவையும் குறைப்பதில் உதவுகிறன.
பொதுவாக ஓட்ஸ் (Oates), அப்பிள், தோடம் பழம் (orange and Citrus fruits) ,கரட் (Carrot), பார்லி(barley), அவரை குடும்ப பருப்பு வகைகள் (Peas, beans)போன்ற பொருட்களில் அதிகளவு கானப்படுகிறன.

2. கரையாத நார்கள் (Insoluble fiber)
இவை நிரில் கரைவதில்லை. சமிபாட்டு தொகுதியில் உணவு பொருட்கள் அசையும் வேகத்தை கூட்டுவதுடன், மலத்தில் அளவை அதிகரிக்க உதவுகிறன. இதனால் மலச்சிக்கல், ஒழுங்காக மலப்போக்கு இல்லாதவர்கள் (struggle with constipation or irregular stools) நன்மை அடைவார்கள்.

கரையாத நார் பொருட்களை கொண்டுள்ள உணவுகளாக
முழுமையான தானியங்கள் (Whole grains), மரக்கறிகள் என்பவற்றை கூற முடியும்

உடல் நலனிற்கு நார் சத்தின் பங்களிப்பு என்ன?

கரையும் நார்கள்

1. இவை இரைப்பை, சிறுகுடல் (stomach and small intestine) ஆகிய பகுதிகளில் காபோவைதரேற்றுக்கள்(carbohydrates) குளுக்கோஸ் (glucose) ஆக மாற்றப்பாடும் வேகத்தை குறைக்கிறன. இதனால் குருதியில் உணவு உட்கொண்டது ஏற்படும் வேகமான குளுக்கோஸ் அதிகரிப்பை குறைக்கிறன.

2. நார் பொருட்கள் சமிபாட்டு தொகுதியில் நீரை அகத்துறுஞ்சி கூழ் நிலையை ஏற்படுத்துகிறன. சமிபாட்டு செயற்பாட்டை மெதுவாக நடக்க செய்வதுடன், வயிறு நிறைந்தது போல உணர்வை ஏற்படுத்துவதால் அதிகம் உணவு சாப்பிடுவது குறைகிறது. இதனால் தமது எடையை குறைப்பதற்கு முயற்சிப்போர் நார்சத்து மிக்க உணவுக்ளை சாப்பிடுவது பயனளிக்கலாம்.

3. குருதியில் கொலஸ்திரோல் அளவை குறைத்தல் ( reduce blood cholesterol levels)
சமிபாட்டு நார் பொருட்கள் பித்த உப்புக்கள், கொல்ஸ்திரோலை ?(bile acids and cholesterol) பற்றி (binds)வைத்திருப்பதால் சமிபாட்டு தொகுதியில் மீள அகத்துறுஞ்சுவதை தடுக்கிறன. அத்துடன் இவை குருதியில் அடர்த்தி குறைந்த லிப்போ புரதத்துடன் இணைந்த கொல்ஸ்திரோல் (LDL cholesterol) அளவை குறைப்பதால் இதய சம்பந்தமான நோய்கள் ஏற்படுவதையும் குறைக்கிறன.

4. புற்று நோயை குறைத்தல் (Colon cancer)

பொதுவாக Colon cancer அதிகளவு நார்சத்துள்ள அதிகம் தீட்டப்படாத தனியங்களை (Whole grain) உட கொள்பவர்களில் குறைவாக இருப்பது அவதானிக்கப்பட்டுள்ளது. ஆனால் மேற்கத்தைய நாடுகளில் உள்ள கருது கோளின் படி புற்று நோயை ஏற்படுத்தும் பொருட்கள்(carcinogens)அதிக நேரம் குடற்சுவருடன் தொடுகையுறுமாறு இருப்பதால் அவை குடல் பகுதியில் புற்று நோயை ஏற்படுத்த காரணமாகிறன. ஆனால் நார் பொருட்கள் மலத்தை வேகமாக நகர செய்து மல சிக்கலை போக்குவதால் புற்று நோயை ஏற்படுத்தும் பொருட்கள் அதிக நேரம் குடல் பகுதியில் இருப்பதில்லை இதனால் புற்று நோய் ஏற்படும் வாய்ப்பு குறைகிறன.

கரையும் மற்றும் கரையாத நார்கள்

5. மலச்சிக்கல், மற்றும் மல போக்கில் சிக்கல் உள்ளவர்களுக்கு (struggle with constipation or irregular stools)
இவை சமிபாட்டு தொகுதியில் (digestive system) எந்த வித மாற்றங்களுக்கும் உள்ளாவதில்லை. அவ்வாறு சொல்வதன் அர்த்தம்
உதாரணமாக:நாம் உட்கொள்ளும் உணவு பொருடள் எவ்வாறு சமிபாட்டு தொகுதியில் மாற்றம் அடைகிறது என பார்த்தீர்கள் என்றால்
மாப்பொருள் (Starch): குளுகோஸ் (Glucose)
புரதம் (Protein): அமினோ அமிலங்கள்(Amino acids)
கொழுப்பு (Fat/ oil): கொழுப்பமிலம், கிளிசரோல் (Fatty acid and glycerol)
ஆக மாற்றமடையும்.
பெருங்குடல் (Large intestine)பகுதியின் தொழில் என்ன என பார்த்தோம் என்றால் மேலதிகமான நீரை அகத்துறுஞ்சுவதாகும். ஆனால் உணவு மிக வேகமாக பெருங்குடல் பகுதியை கடந்து செல்லுமாக இருந்தால் நீர் போதுமான அளவு அகத்துறுஞ்சப்படாது வயிற்று போக்கு ஏற்படும். அதே நேரம் மிக அதிக அளவில் அகத்துறுஞ்சப்பட்டால் மலம் மிக இறுக்கமாகி மலம் வெளியேறுவதில் சிக்கல் ஏற்படும்.
ஆனால் நார் பொருட்கள் இவ்வாறு எந்த மாற்றங்களுக்கும் உள்ளாகாது. இதனால மலத்தின் எடையை அதிகரிக்க செய்கிறன. அத்துடன் நீரை இவை அகத்துறுஞ்சி (absorbs)
வைத்திருப்பதால் மலத்தை மெதுமையாகுகிறன.

ஒரு நாளைக்கு தூய நார் சத்தாக 28-35 கிராம் தேவைப்படுகிறது. நாம் போதுமான அளவு மரக்கறிகளையும், பழங்களையும் உண்டு வந்தால் இந்த அளவை மிக இலகுவில் பெற்று கொள்ள முடியும்.

பார்லி, ஓட்ஸ் சாப்பிட்டு இதய நோயை குறையுங்க

2007-04-06T18:56:00.000-05:00

பீற்றா - குளுக்கான்கள் (Beta - glucans): உடல் நலன் சார் பங்களிப்புகள்.

Beta-glucans எனப்படுபவை பல குளுகொஸ் (Glucose) மூலக்கூறுகளினால் ஆக்கப்பட்ட ஒரு பல் சக்கரைட் பசை (Polysaccharide gum ) ஆகும். இயற்கையாக பல தாவரங்களிலும், நுண்ணங்கிகளிலும் காணப்படுகிறது. இது உடல் நலனுக்கு உகந்த ஒரு சமிபாட்டு நார் சத்தாகும் (Dietary fibre).

தற்போதைய நவீன உலகில் நுகர்வோர் பலரும் (அதாவது நாங்களே தான்) உடல் நலனுக்கு உகந்த உணவை தேடுவதில் ஆச்சரியம் ஏதுமில்லை தானே. அவ்வாறான தேடலுக்கு தீனி போடுபவை செயற்படு உணவுகள் (Functional Foods) எனும் உணவு வகைகளாகும்.
பீற்றா குளுக்கான்ஸ் உம் செயற்படு உணவு வகையை சேர்ந்தவையாகும்.

பீற்றா குளுக்கான்களை கொண்ட உணவுகள்

மதுவம் (Yeast)

இயற்கையான பீற்ற குளுக்கான்கள் ஐ கொண்ட பிரதான 4 இயற்கை மூலங்களில் மதுவம் முக்கியமானதாகும். மற்றைய இயற்கை மூலங்களில் காணப்படுவது போன்று அல்லாமல் இதன் கரையும் தன்மை (insoluble) குறைவாகும். மதுவத்தில் காணப்படும் பீற்றா குளுக்கான்கள் உடலின் நிர்பீடன பாதுகாப்பு (immune defences) சக்திகளை உறுதியாக்குகிறது. இருந்த போதிலும் இதன் கரை திறன் குறைவாக இருப்பதனால் உணவுகளுடனோ அல்லது குடி பானங்களுடனோ கலப்பது சிரமமாகும்.

காளான் (Mushroom)

பல காளான் இனங்களில் பீற்றா குளுக்கான்கள் காணப்பட்டாலும் இது வயிற்று குழப்பங்களை தரக்கூடியதாக இருப்பதால் கர்ப்பிணி பெண்கள், குழந்தைகள் இதை தவிர்ப்பது நல்லது.

பார்லி (Barley)

பார்லியில் மிக அதிக அளவில் பீற்றா குளுக்கான்ஸ் இருந்த போதும் இது வரை உணவு/ மருந்து பொருள் தயாரிப்பு நிறுவனங்களின் கவனத்தை அதிகம் பெறவில்லை. பார்லி பீற்றா குளுக்காங்கள் குருதி கொலஸ்திரோல் அளவை குறைப்பதுடன், இதய நோய்கள் ஏற்படும் ஆபத்தையும் குறைக்கிறது இதங்கரணமாக தற்போது ஐக்கிய அமெரிக்க நாடுகளின் விவசாய துறை இதனை உணவு தயாரிப்பில் பயன்படுத்த அங்கிகரித்துள்ளது.ஆனால் பார்லி பீற்ற குளுக்காங்கள் உணவின் விருப்பை (Platability) குறைக்க கூடியவை ஆக இருப்பது இதன் பிரதிகூலமாகும்.

ஓட்ஸ் (Oats)

ஓட்ஸ் பீற்ற குளுக்கான்கள் ஓரளவு நீரில் கரைய கூடியதாக இருப்பதால் சமிபாட்டு தொகுதியில் கூழ் நிலை கரைசலை எற்படுத்துவதால் கொலஸ்திரோல் சமிபாட்டு தொகுதியில் அகத்துறுஞ்சலை குறைகிறது. இதன் உடல் கொலஸ்திரோலை குறைக்கும், இதய நோய்களை குறைக்கும் இயல்பு காரணமாக ஐக்கிய இராச்சியம், சுவீடன் ஆக்கிய நாடுகள் இதனை உணவில் சேர்க்க அங்கிகரித்துள்ளன. ஆனால் உடலுக்கு தேவையான அளவு பீற்றா குளுக்காங்களை உள்ளெடுக்க நாளாந்தம் 250 கிராம் சமைக்கப்பட ஓட்ஸ் ஐ உண்ண வேண்டியிருப்பது நுகர்வோரால் அதிகம் விரும்பப்படாத ஒரு அம்சமாகும்.

பீற்றா குளுக்காங்களின் உடல் நலன்சார் பங்களிப்புகள்

பிரதானமாக இதய நோய்களை குறைத்து இதய நலன் பேணலில் முக்கிய பங்கு வகிக்கிறது. பீற்றா குளுக்கான்கள் சிறுகுடலில் (small intestine) இல் ஒரு கூழ் நிலை கரைசலை ஏற்படுத்துவதுடன், சிறுகுடல் உட்பரப்பில் ஒரு பாதுகாப்பு கவசத்தை உருவாக்குகிறன. இதனால் பித்த அமிலங்கள் (bile acid)மீளவும் குடலில் அகத்துறுஞ்சப்படுவதை தடுக்கிறன. பித்த அமிலங்கள் அகத்துறுஞ்சப்படாது மலத்துடன் வெளியேற்றப்படுகிறன.
மேலும் இந்த கூழ் நிலை கரைசல் வெல்லங்ளின் (காபோவைதரேற்றுக்கள்- carbohydrates)அகத்துறுஞ்சலை குறைப்பதுடன் இன்சுலின் (insulin)சுரப்பையும் கட்டுப்படுத்துகிறன. இதனால் ஈரலில் (liver) கொலஸ்திரோல் (cholesterol)உருவாக்கத்தை குறைக்கிறன.

குருதியில் அதிகரித்த குறைந்த அடர்த்தி உடைய லிப்போபுரத கொலஸ்திரோல் (LDL-cholesterol)இதய நோய்களுக்கு காரணமாக இருப்பதாக அறியப்பட்டுள்ளது. எனவே கொலஸ்திரோல் அகத்துறுஞ்சலை சிறுகுடல் பகுதியில் குறைப்பதால் இதய நோய்கள் குறைவடைவதற்கு காரண்மாக இருக்க முடியும்.

இதய நலனுகு அடுத்த முக்கிய ஒரு உடல் நலன் சார் பங்களிப்பாக உடலின் நிர்பீடன தொகுதியை (immune system) தூண்டுவதை குறிப்பிடலாம். உடலின் நிர்பீடன தொழிலை செய்யும் கலங்கள் (cells) பீற்றா குளுக்கான்களை உணரும் வாங்கிகளை (recepters)கொண்டிருக்கிறன. பீற்றா குளுக்கான்களை இக்கலங்கள் காணும் போது ஒரு பூட்டு-திறப்பு வகை பொறிமுறையால் இணைத்து கொள்கிறன. இந்த கலங்கள் பீற்ற குளுக்கான்களை உடலில் ஊடுருவல் செய்யும் பிற பொருட்களாக உணர்ந்து உடலின் நிர்பீடன செயற்பாட்டை/ நோய் எதிர்ப்பு செயற்பாட்டை தூண்டுகிறன. இதன் காரணமாக உடலின் நிர்பீடன செயற்பாட்டு சங்கிலி தொடர் தூண்டப்படுகிறது.

இவ்வாறான நிர்பீடன செயன் முறையின் தூண்டல் புற்று நோயை(Cancer) எதிர்ப்பதில் உதவுவதுடன் எயிட்ஸ் நோயின் அறிகுறிகளை குறைப்பதிலும் உதவுதாக சொல்லப்படுகிறது. ஆயினும் இவை தொடர்பான ஆராய்ச்சிகள் மேலும் தேவையாக இருக்கிறன.

ஓட்ஸ் (Oats) இன் உடல் நலன் சார் சாதகமான இயல்புகள்.

குருதியின் வெல்ல அளவை குறைத்தல் (Reducing blood sugar levels)

மாப்பொருள்/ வெல்ல உணவு உட்கொண்ட பின் உடலில் ஏற்படும் கிளைக்காமிக் விளைவை (Glycaemic response)பீற்றா குளுக்கான்கள் குறைக்கிறன. உதாரணமாக 1 கிராம் பீற்றா குளுக்கான்கள் ஒவ்வொரு 50 கிராம் மாப்பொருள்/ வெல்ல உணவுடன் உள்ளெடுக்கப்படும் போது கிளைக்காமிக் சுட்டி (Glycamic index) 4 புள்ளிகளால் குறைவடைகிறது. எனவே சலரோகம்/ சர்க்கரை வகை 2 வியாதி உள்ளவர்களுக்கு இது சிறப்பான ஒரு தீர்வாக இருக்கும் என நம்பப்படுகிறது.

உடல் நிறையை கட்டுப்படுத்தல்

ஓட்ஸ் கொண்ட உணவை காலையில் உட் கொள்ளும் போது நீண்ட நேரம் சக்தியை கொடுப்பதுடன், விரைவில் பசி ஏற்படுவதை குறைக்கிறது. இதனால் தேவைக்கு அதிக உணவு உட்கொள்வது குறைகிறது.

எனவே நல்ல உணவுகளை உட்கொண்டு உடல் நலனை எல்லாரும் கவனித்து கொள்ளுங்கள்.

பால் புரதங்கள் ( Milk proteins and peptides)

2007-02-24T17:46:00.000-06:00

பால் புரதங்கள், பெப்ரைட்டுக்கள் (Proteins and Prptides) ஆகியவற்றின் உடல் நலன் சார்ந்த பங்களிப்புக்கள்

பால் புரதங்கள், பொதுவாக மனிதனுக்கு தேவையான அத்தியாவசியமான அமினோ அமிலங்கள் (Essential Amino Acids), நைதரசனுக்கான மூலமாக கருதப்படுவதோடு, உணவுப்பொருட்களை தயாரிப்பதற்கான ஒரு மூலப்பொருளாகவும் இருந்து வருகிறது. ஆனால் தற்போது பால் புரதங்களும், அவற்றோடு இணைந்த பெப்ரைட்டுக்களும் தொழிற்படு உணவுகளாக (Functional Foods) கருதப்படுவதால் முக்கியத்துவமானவையாக கருதப்படுகிறன.

பால் புரதங்களின் வகைகள்

பசுப்பாலில் இரண்டு உள்ள புரதங்களை பிரதானமாக இரண்டு வகையாக பிரிக்க முடியும்.

1. கேசின் (Caseins)

2. Whey proteins

மொத்த பால் புரதங்களில் கேசின் புரதப்பகுதி 76-86% ஆகவும், Whey proteins 14-24% ஆகவும் இருக்கிறன. மேலும்

கேசின் புரதமானது அல்பா, பிற்றா, காப்பா கேசின்கள் என வகைப்படுத்தப்படும்.

அதே போன்று Whey proteins

Lactalbumin

Lactoglobulin

Bovine serum albumin

Immunoglobulins

ஆகிய புரதங்களை பிரதானமாகவும்

Lactoferrin

Transferrin

Lactoperoxidase

Lysozymes

ஆகிய புரதங்களை சிறிதளவிலும் கொண்டது.

பால் புரதங்களில் காணப்படும் ஒவ்வாமை (Allergy) ஏற்படுத்தும் இயல்புகள்

பால் புரதங்கள் சில பேருக்கு, குறிப்பாக சிறுவர்களுக்கு பால் அருந்தியதன் பின் ஒவ்வாமையை ஏற்படுத்தலாம்.

இதனை ஆங்கிலத்தில் Cow's milk protein allergy என அழைப்பர்.

பால் புரத ஒவ்வாமையால்

தீவிரமற்ற ஒவ்வாமை வெளிப்பாடுகளாக

Rhinitis

Diarrhoea என்பவற்றையும்

மிக தீவிரமன ஒவ்வாமை வெளிப்பாடுகளாக

Asthma

Dermatitis

Anaphylactic shock ஆகிய வற்றையும் சொல்ல முடியும்.

இவ்வாறான ஒவ்வாமை வெளிப்பாடுகள் பாலை அருந்திய உடனடியாக வெளிப்படுத்த படாமல், சிறிது சிறிதாக உடலில் அபிவிருத்தியடைய முடியும். அதாவது நாளாந்தம் பால் பருக பருக உடல் அதை எதிர்ப்பதற்காக எதிர் விளைவுகளை படிப்படியாக உருவாக்கி, இறுதியில் ஒவ்வாமையாக வெளிப்படலாம்.

Casein, lactalbumin, lactoglobulin ஆகிய புரதங்களே ஒவ்வாமை ஏற்பட காரணம் என சொல்லப்படுகிறது.

பொதுவாக குழந்தைகளில் 2-3% ஆனவர்களுக்கு இவ்வாறான சிக்கால் ஏற்பட முடியும்.

பால் புரதங்கங்களில் காணப்படும் புற்று நோய்க்கு எதிரான (Anti-cancer) இயல்புகள்

அதிக கொழுப்பை (fat)கொண்ட உணவுகள், குறைந்த நார் (fibre)சத்துக்களை கொண்ட உணவுகள், குறைந்த அளவு நுண்ணூட்டச்சத்து (micronutrients) கொண்ட உணவுகள் என்பன புற்று நோய் ஏற்பட காரணமாக இருப்பதாக அறியப்பட்டுள்ளது.குறிப்பாக குதப்புற்று நோய் (colorectal cancer ) ஏற்படுவதற்கு.

விலங்குகளில் செய்யப்பட்ட ஆய்வுகளில் பால் புரதங்கள் புற்று நோய் கட்டிகள் (Tumour) உருவாவதை குறைப்பது கண்டறியப்பட்டுள்ளது.

Whey protein எலிகளில் புற்று நோய் ஏற்படுவதை குறைப்பது அறியப்பட்டுள்ளது.

Bovine serum albumin, lactalbumin என்பன மனிதரில் மார்பக புற்று நோயை குணமாக்குவதாக அறியப்பட்டுள்ளது.

பால் புரதங்களில் காணப்படும் உயிர் தொழிற்பாட்டு (bio-active) பெப்ரைட்டுக்கள்

பாலில் காணப்படும் உயிர் தொழிற்பாட்டு பெப்ரைட்டுக்கள் நுண்ணுயிர் எதிரிகளாக (anti microbial), நிர்ப்பீடன சீராக்கிகளாக (immunomodulatory), உயர் குருதியழுத்ததை (hypertension)குறைப்பனவாக, கனியுப்புக்களை பற்றி (mineral binding) வைத்திருக்கும் ஊடகங்களாக தொழிற்படுகிறன.

நிர்பீடன சீரக்கி (immunomodulatory) புரதங்களும், பெப்ரைட்டுக்களும்

மனிதன் நிர்பீடன தொகுதியானது (immune system) மனிதனை தொற்றுக்களில் (infection) இருந்து காப்பதிலும், புற்று நோயை எதிர்ப்பதிலும் பங்காற்றுகிறது.

நிர்பீடனத்தொகுதியில் ஏற்படும் குறைப்பாடு, மனிதனை இலகுவில் நோய்த்தொற்றுக்கு உள்ளாகும் சாத்தியப்பாட்டை அதிகரிக்கிறது.

பால் புரதங்களும், அவற்றின் நொதித்தலால் உருவான பெப்ரைட்டுக்களும் மனிதனின் நிர்பீடன தொகுதியை தூண்டுவது அறியப்பட்டுள்ளது. பால் புரதங்கள் உடலில் காணப்படும் Macrophages எனும் கலங்களின் தொழிற்பாட்டை தூண்டுவது அறியப்பட்டுள்ளது. இக்கலங்கள் உடலில் நுளையும் பிற பொருட்கள், நுணங்கிகள் என்பவற்றை அழிக்கிறன.

மீன், ஒமேக 3 கொழுப்பமிலங்கள்

2007-02-15T18:40:00.000-06:00

இந்த பதிவு ஜி. இராகவன் அவர்கள் கேட்டு கொண்டதற்கிணங்க பதிவிடுகிறேன்.

மீன்களின் தமிழ் பெயர்கள் தெரியாதாகையால் ஆங்கில பெயர்களையும் அவற்றின் படங்களையும் இடுகிறேன்.
சில மீன் இனங்களும் அவற்றில் இருக்கும் ஒமேகா 3 கொழுப்பமில அளவுகளும் வருமாறு.

1. Cod

Cod liver oil

இகோசபென்ரினோயிக் அமிலம் (Eicosapentaenoic acid) 7.3%
டொகொசொகெக்சினோயிக் அமிலம் (Docosohexaenoic acid)7.4%

2. Alaskan herring

இகோசபென்ரினோயிக் அமிலம் (Eicosapentaenoic acid) 11.4%-15.2%
டொகொசொகெக்சினோயிக் அமிலம் (Docosohexaenoic acid)4.7%-7.8%

3.Atlantic herring

இகோசபென்ரினோயிக் அமிலம் (Eicosapentaenoic acid) 2.85%
டொகொசொகெக்சினோயிக் அமிலம் (Docosohexaenoic acid) 2.70%

4. Pacific anchovy

இகோசபென்ரினோயிக் அமிலம் (Eicosapentaenoic acid) 18.24%
டொகொசொகெக்சினோயிக் அமிலம் (Docosohexaenoic acid) 10.28%

5. Mackerel

இகோசபென்ரினோயிக் அமிலம் (Eicosapentaenoic acid) 7.64%
டொகொசொகெக்சினோயிக் அமிலம் (Docosohexaenoic acid) 7.66%

மேலே தரப்பட்ட தரவுகள் Food science and Technology 19(4), 2005 இல் இருந்து பெறப்பட்டவை.
படங்கள் யாகூ தேடுபொறியில் அகப்பட்டவை.

மீன்,ஒமேக 3 கொழுப்பமிலம், இதய நோய் பற்றிய ஆய்வு அறிக்கை ஒன்றுக்கான இணைப்பை கீழே கொடுத்துள்ளேன்.
http://circ.ahajournals.org/cgi/content/full/106/21/2747

ஒமேக 3 கொழுப்பமிலங்கள் என்றால்??

2007-02-11T11:28:00.000-06:00

இப்போது ஒமேகா 3 கொழுப்பமிலங்கள் (Omega-3 fatty acids ), அவற்றின் முக்கியத்துவம் என்பன பற்றி பரவலாக பேசப்படுவதுடன், பல நாடுகளில் இக்கொழுப்பமிலங்களை கொண்ட முட்டைகள், மாஜரீன் என்பவை சந்தைப்படுத்தப்படுகிறன. முன்னய எனது மீன் உண்ணலாம் எனும் பதிவிலும் ஒமேக 3 கொழுப்பமிலங்கள் உள்ள மீன்வகை பற்றி எழுதியுள்ளேன்.
இப்பகுதியில் ஒமேக 3 கொழுப்பமிலங்கள் என்றால் என்ன? அவை ஏன் எமக்கு அத்தியாவசியமானவை என்பவை பற்றி சிறிது சொல்ல்லாம் என்று நினைக்கிறேன்.

கொழுப்பமிலங்கள் (Fatty acids)

கொழுப்பு (Fat) உணவுகளின் முக்கிய செயற்படு பகுதியாக இருப்பவை கொழுப்பமிலங்களே. கொழுப்பமிலங்கள் கொழுப்பின் உருகுநிலையை (Melting point)/ கொழுப்பு பதார்த்தங்கள் எவ்வளவு விரைவில் பளிங்காக (Crystal) மாற்றம் அடைகிறது என்பதையும் தீர்மானிக்கிறன. அத்துடன் கொழுப்பமிலங்கள் கொழுப்பின் ஊட்டச்சத்து பெறுமானத்தையும் தீர்மானிக்கிறன. இங்கு ஊட்டச்சத்து பெறுமானங்கள் எனும்போது கொழுப்பில் இருந்து கிடைக்கும் சக்தி( Energy) ஐ மட்டும் கருத வில்லை. கொழுப்பமிலங்களால் உடலின் அனுசேபம் (Metabolism), உடல் நலம் போன்றவற்றில் ஏற்படும் விளைவுகளையும் உள்ளடக்கியதாகும்.

கொழுப்பமிலங்களை பொதுவாக அவற்றில் இருக்கும்
1. காபன், அணுக்களின் எண்ணிடக்கையை கொண்டு ( காபன் - காபன் சங்கிலி) ,
அல்லது

2. காபன் காபன் அணுக்களுக்கிடையே ஆனா பிணைப்பு வகையை கொண்டு வகைப்படுத்தலாம்.

1. நிரம்பிய கொழுப்பமிலம் ( Saturated fatty acid)

இவ்வகையான கொழுப்பமிலங்களில் காபன் அணுக்க்ளுக்கிடையே ஒற்றை பிணைப்பு காணப்படும்.

2. நிரம்பலடையாத கொழுப்பமிலம் (Unsaturated fatty acid)

இவ்வகையான கொழுப்பமிலங்களில் காபன் சங்கிலியில் ஒன்றோ அல்லது ஒன்றுக்கு மேற்பட்ட இடங்களில் காபன் காபன் அணுக்களுகிடையே இரட்டை பிணைப்பு காணப்படும்.

நிரம்பலடையாத கொழுப்பமிலங்களை மேலும்

a) ஒற்றை நிரம்பலடையாத கொழுப்பமிலங்கள் (Mono unsaturated fatty acids)
b) பல் நிரம்பலடையாத கொழுப்பமிலங்கள் ( Poly unsaturated fatty acids)

பல் நிரம்பலடையாத கொழுப்பமிலங்கள் மேலும் இரண்டாக வகுக்கப்படுகிறன.

a)ஒமேகா 6
b)ஒமேகா 3

இதற்கான விளக்கப்படம் மேலே உள்ளது. இங்கு ஒமேக என்பது கிரேக்க மொழியின் ஒரு எழுத்தாகும். இலக்கங்கள் காபன் அணுக்களுக்கிடையில் எந்த இடத்தில் முதலாவது இரட்டை பிணைப்பு வருகிறது என்பதை குறிப்பதாகும்.

ஒமேக 3 கொழுப்பமிலம்

வேறுபட்ட வகையான ஒமேக 3 கொழுப்பமிலங்கள், பல் வேறுபட்ட காபன் அணுக்களின் எண்ணிகையில் காணப்படுகிறன.

முக்கியமான ஒமேக 3 கொழுப்பமிலங்கள்

1. அல்பா லினொலெய்க் அமிலம் (Alpha linoleic acid )
இது 18 காபன் அணுகளையும், 3 இரட்டை பிணைப்புக்களையும் கொண்டது.

2. இகோசபென்ரினோயிக் அமிலம் (Eicosapentaenoic acid)
இது 20 காபன் அணுக்களையும், 5 இரட்டை பிணைப்புக்களையும் கொண்டது.

3. டொகொசொகெக்சினோயிக் அமிலம் (Docosohexaenoic acid)
இது 22 காபன் அணுக்களையும், 6 இரட்டை பிணைப்புக்களையும் கொண்டது.

அல்பா லினொலெய்க் அமிலம் லினோலெய்க் அமிலம் என்பவற்றை உணவின் மூலம் மட்டுமே பெற்று கொள்ள முடியும்.

மனித உடலானது அல்பா லினொலெய்க் அமிலத்தில் இருந்து இகோசபென்ரினோயிக் அமிலம்,
டொகொசொகெக்சினோயிக் அமிலம் ஆகிய வற்றை தயாரித்து கொள்ளும்.

இகோசபென்ரினோயிக் அமிலம் (Eicosapentaenoic acid) கல மென்சவ்வின் (Cell membrane)ஒரு கூறாகும்.

டொகொசொகெக்சினோயிக் அமிலம் மூளை, மைய நரம்பு தொகுதி, கண்ணின் பார்வைக்கலங்கள் என்பவற்றின் கலங்களின் கல மென்சவ்வுகளின் முக்கிய கூறாகும்.

ஒமேக 3 கொழுப்பமிலங்களின் இயற்கை மூலங்கள்

சோயா எண்ணேய், ரப் எண்ணேய் (Brassica Napus =Rape) என்பவற்றில் காணப்படுகிறது. லின் விதை எண்ணேய் மிக அதிக அளவாக 60% ஒமேக 3 கொழுப்பமிலத்தை கொண்டுள்ளது. வெல் நட், குறிபிட தக்க அளவு ஒமேக 3 கொழுப்பமிலத்தை கொண்டுள்ளது.

இலை மரக்கறி வகைகளும் குறிப்பிடத்தக்க ஒமேக 3 கொழுப்பமிலத்துக்கான மூலங்களாகும்.

கொழுபு நிறைந்த மீன், மீன் எண்ணேய் என்பனவும் மிக முக்கிடமான மூலங்களாகும்.

ஒமேக 3 கொழுப்பமிலத்தின் உடல் நலன் சார் பங்களிப்புக்கள்

ஒமேக 3 கொழுப்பமிலங்கள் பல நோய் பாதிப்புக்களில் இருந்து மனிதனை பாதுகாப்பதாக சொல்லப்படுகிறது. இவற்றில் சில இன்னும் சரியாக நிருபிக்கப்படவில்லை. பல நிருபிக்கப்பட்டுள்ளன.

1. இதய நோய்கள் (Cardiovascular disease)

ஒமேக 3 கொழுபமிலம் இதய நோயை குறைக்கிறது. கிரின்லாந்தில் அதிகளவில் கொழுப்பு நிறைந்த உணவு உண்போர்களிடையே மிக குறைந்தளவே இதய நோய்கள் இருப்பது அறியப்பட்டுள்ளது. இத்தாலியில் மேற்கொள்ளப்பட்ட ஆராய்ச்சியில் 1 கிராம்/ நாள் எனும் விகிதத்தில் கொடுக்கப்படும் போது போது 45% இதய நோயை குறைப்பதாக அறியப்பட்டுள்ளது.

2. புற்று நோய்

ஒமேக 3 கொழுப்பமிலம் மார்பக புற்று நோய், சமிபாட்டு தொகுதியில் குத புற்று நோய் என்பவற்றை குறைப்பதாக அறியப்பட்டுள்ளது.

3. அல்சைமர், டிமென்சியா நோய்கள் (Alzheimer's and Dementia)

டொகொசொகெக்சினோயிக் அமிலம் அல்சைமர் நோயை குறைப்பதாக அறியப்பட்டுள்ளது. அத்துடன் மீன் உணவு, டினெசியா நோயை குறைப்பதும் அறியப்பட்டுள்ளது.

4. மனவழுத்தம் (Depression)

மனவழுத்த நோய் உள்ள வயதானவர்களின் குருதியில் ஒமேக 6 கொழுப்பமிலத்துக்கும் ஒமேக 3 கொழுப்பமிலத்துக்குமான விகிதம் நோய் அற்றவர்களின் குருதியிலும் அதிகமாக இருப்பது கண்டறியப்பட்டுள்ளது. இதன் மூலம் ஒமேக 3 கொழுப்பமிலம் மனித உணர்வுகளின் வெளிப்பாட்டில் இக்கொழுப்பமிலம் பங்கு வகிக்கலாம் என்று சந்தேகிக்கப்படுகிறது.

5. கர்ப்ப காலத்திலும், குழந்தை பருவத்திலும்

கர்ப்ப காலத்தில் ஒமேக 3 கொழுப்பமிலங்கள் நிறைவாக கிடத்தால் குழந்தையின் நரம்பு தொகுதி, கண்ணின் பார்வைக்கலங்கள் என்பன சிறப்பாக விருத்தி அடைய உதவும் என சொல்லப்படுகிறது.

நாளாந்தம் உள்ளெடுக்க வேண்டிய ஒமேக 3 கொழுப்பமில அளவு

உலக சுகாதார நிறுவனத்தின் பரிந்துரை

எமது நாளாந்த சக்தி உள்ளெடுப்பிம் 1-2% ஒமேக 3 கொழுப்பமிலம் மூலம் கிடைக்க வேண்டும் எங்கிறது.

மேலும் இவற்றில் 1.5-3 கிராம்/ நாள் அல்பா லினொலெய்க் அமிலமும் இகோசபென்ரினோயிக் அமிலம், டொகொசொகெக்சினோயிக் அமிலம்
என்பவை 0.5-1.8 கிராம்/ நாள் எனும் விகிதத்திலும் உள்ளெடுப்பது சிறப்பானது என சொல்லப்படுகிறது.

முடிவாக சிறுவர்களுக்கு மீன் உணவு கொடுப்பதன் மூலம், அவர்களின் மூளை வளர்ச்சியை சிறப்பாக அமைக்க முடியும். இதன் முகிய காரணம் மீன் அதிக அளவில் ஒமேக 3 கொழுப்பமிலத்தை கொண்டிருப்பதாகும். அத்துடன் வயதானவர்களும் இதை ஒமேக 3 கொழுப்பமிலம் முலம் இதய நோய், புற்று நோய் என்பன ஏற்படுவதில் இருந்து பாதுகாப்பை பெற முடியும்.

விளைச்சல்

2006-10-05T07:47:00.000-05:00

கடுகு வயல்

கோதுமை வயல்

கடற்கோட்டை

2006-10-04T15:43:00.000-05:00

கடற்கோட்டை -Gothenburg, Sweden

இளைமையின் இரகசியம் 2

2006-10-04T07:29:00.000-05:00

அண்மைக்காலமாக இளமை பேணும் புதிய பொருட்களை பற்றிய ஆராய்ச்சிகள் முடுக்கிவிடப்பட்டுள்ளன. குறிப்பாக தாவர பதார்த்தங்களில் இருந்து தயாரிக்கப்படும் புதிய உணவு/ பானங்களில் தற்போது பல ஆராய்ச்சியாளர்களது கவனம் திரும்பியுள்ளது.

அவற்றை பற்றி சிறிது உற்று நோக்குவோம்.

1. African baobab

(படம்ங்கள்: யாஹு தேடு பொறியில் அகப்பட்டவை)

Baobab பழமானது எகிப்தியர்களால்

காய்ச்சல்
Dysentery
இரத்த காயங்கள் போன்றவற்றுக்கு பயன்படுத்தப்பட்டது.

அத்துடன் ஆபிரிக்கர்களால் உணவு, மற்றும் மருந்து பொருளாக நீண்ட காலமாக பயன்படுத்தப்பட்டு வருகிறது. இப்பழத்தின் சதையானது மிக அதிகளவில் விட்டமின் C ஐ கொண்டிருப்பதுடன்,
ஒட்சியேற்ற எதிரியாக ,
Anti-inflammatory,
analgesic
antipyretic
இயல்புகளை கொண்டிருப்பதால் உணவு கைத்தொழிலில் மிக முக்கியமான ஒரு பொருளாக கருதப்படுகிறது.
இதிலிருந்து பெறப்படும் எண்ணெயானது
விட்டமின் A,D, E
அத்தியாவசியமான கொழுப்பமிலங்களை கொண்டிருப்பதால் அழகு சாதனப்பொருள் தயாரிப்பில் பயன்படுவதுடன்

எக்சிமா (Eczema) சோரியாசிஸ் (psoriasis) போன்றவற்றிற்கான மருந்து தயாரிப்பிலும் பயன்படுகிறது.

உணவு கைத்தொழிலில் உற்பத்தி செய்யப்படகூடிய பொருட்களாக
மென்பானங்கள்
இயற்கை பழ சிமூதிஸ்
பழநிரப்பிகள்
சுகநல குறை நிரப்பிகள்
மற்றும் அழகு சாதனப்பொருட்கள்

2. Devil's claw (புலிநகச்செடி)

(பட உதவி:www.weeds.org.au)

இச்செடியானது நீண்ட காலமாக
காய்ச்சல் (Fevers)
சமிமாட்டு பிரச்சனைகள் ( Digestive disorders) போன்றவற்றுக்கு பயன்படுத்தப்பட்டு வந்துள்ளதோடு வலி நிவாரணியாகவும் பயன்படுத்தப்பட்டு வந்துள்ளது.

இது Rheumatoid arthritis இற்கு நிருபிக்கப்பட்ட ஒரு நிவாரணியாகும். அத்துடன் எந்தவிதமான பக்கவிளைவுகளும் இதுவரை கண்டறியப்படவில்லை. இது ஏற்கனவே பலராலும் பாவிக்கப்படுவதுடன், பல மருத்துவர்களால் அங்கிகரிக்கப்பட்ட ஆயுர்வேத?? (Herbal) மருந்து பொருளாக இருக்கிறது.

3. Kigelia pinnata (சொசெச் உருவ பழம்)

இப்பழமானது மருத்துவ பயன்பாட்டில் நீண்ட வரலாற்றை கொண்டது. அத்துடன் பாரம்பரியமான பியர் உற்பத்தியிலும் முக்கியமான ஒரு மூலப்பொருளாகும்.
இதன்
Anti-bacterial
Anti-inflammatory இயல்புகள் காரணமாக
தோல் நோய்கள், தோல் புற்றுநோய் என்பவற்றுக்கு நிவாரணியாக பயன்படுத்தப்படுகிறது.

4. Marula fruit

இதில் இருந்து பெறப்படும் எண்ணெய் நமீபியாவில் ஒலிவ் எண்ணேய்க்கான மாற்றீடாக பயன்படுத்தப்படுகிறது. இதில் இருக்கும் இயற்கை ஒட்சியேற்ற எதிரிகள், மாறும் ஒருமை நிரம்பலடையாத கொழுப்பமிலங்கள் என்பன ஒலிவ் எண்ணேயிலும் 10 மடங்கு பழுதடையும் தன்மை குறைந்ததாக இதை வைத்திருக்கிறது.
இதை தோலுக்கு பூசும் போது
தோல் நீரேற்றம், அழுத்தம் என்பன அதிகரிப்பதுடன், சிவப்பு தன்மை குறைகிறது.

5. Mabola plum ( Parinari curatellifolia)

பாரம்பரியமாக பழம், எண்ணெய் என்பன உணவாக பயன்படுத்தப்படுகிறது. அத்துடன் எண்ணெய் தலைமுடிக்கும் பயன்படுத்தப்படுகிறது.
இதன் பழ சதையானது அதிக விட்டமின் C ஐ கொண்டுள்ளது.
எண்ணெய் அழகு சாதன பொருள் உற்பத்தியில் பயன்படுகிறது.
தோலில் மறுசீரமைப்பு, மீளவாக்கம், மறுகட்டமைப்பு நீரேற்றம் ஆகிய தொழில்களை இதன் எண்ணேய் செய்யவல்லது.

6. Ximenia fruit

பாரம்பரியமாக பழம் உணவாக, ஜாம், ஜெல்லி, பாகு என்பனவற்றின் உறபத்தியில் பயன்படுகிறது.

இதில் இருந்து பெறப்படும் எண்ணெய் அழகுசாதனப்பொருட்கள் தாயரிக்கப்படுகிறது. இவ் எண்ணேயானது உராய்வு நீக்கல், நீரேற்றும் இயல்புகள் காரணமாக இளமை பேணும் ஒரு முக்கிய பொருளாக கருதப்படுகிறது.
இது சம்பூக்கள், சொண்டு பூச்சுக்கள், சவற்காரங்கள் என்பவற்றில் கொக்கோ பட்டரிற்கு மாற்றீடாக பயன்படுத்த பரிந்துரைக்கப்படுகிறது.

ஏற்கனவே அறியப்பட்ட உணவு பொருட்களான சொயா, கற்றாளை (Aloe vera) போன்றவறை சரியாக பயன்படுத்துவதும் மிக அத்தியாவசியனானதாக சொல்லப்படுகிறது.

இத்தருணத்தில் நாம் முக்கியமாக கவனிக்கவேண்டியது மேலே சொன்னவற்றில் பல தாவரங்கள் ஆபிரிக்காவில் பாரம்பரியமாக பயன்படுத்தபடுபவை.

அதே போன்றே அண்மையில் வெந்தயத்துக்கு அமேரிக்க காப்புரிமை பற்றிய செய்தி படிக்க கிடைத்தது.
சில வருடங்களுக்கு முன் வேம்பு, மஞ்சள் என்பனவ்ற்றின் மீதான காப்புரிமை பிரச்சனை எழுந்தது.

எமது ஆயுர்வேத சித்த மருத்துவ மூலிகைகள், தாவரங்கள், பாரம்பரிய உணவுகளின் மருத்துவ குணங்கள் என்பன பற்றி எமது நாடுகளில் போதுமான ஆராய்ச்சிகள் மேற்கொள்ளப்படமையே இதற்குமுக்கிய காரணம் என்று தான் கூறமுடியும்.

இன்னும் சில காலத்தில் குங்கும பூவுக்கும் காப்புரிமை பிரச்சனை வந்தாலும் ஆச்சரியப்பட ஏதுமில்லை.

இளைமையின் இரகசியம் 1

2006-10-04T01:20:00.000-05:00

நாம் சிறு பராயத்தில் வயது அதிகரிப்பில் எவ்வளவுக்கு எவ்வாளவு சந்தோசப்படுகிறோமோ, அதே அளவுக்கு குறிபிட்ட வயதுக்கு பின் இளமையாக தோன்ற மாட்டோமா என மனம் ஏங்க ஆரம்பிக்கிறது. பலரும் வயது முதிர்ச்சியடைந்த பின்னும் இளமையாக தோன்ற ஆசைப்படுகிறார்கள். உலக சனத்தொகையானாது 1950 க்கு பிற்பாடு 3 மடங்காக அதிகரித்து இருப்பதுடன் 50 வயதுக்கு மேற்பட்டோரின் எண்ணிக்கை எப்போதுமில்லாதவாறு அதிகரித்திருக்கிறது. இதனால இளமையாக இருக்க வைக்கும் உணவுகள், மருந்துகளின் தேவையானது அதிகரித்து செல்கிறது. உடலை இளமையாக தோன்றச் செய்யும் பொருட்கள் இயற்கை மூலங்காளில் இருந்து பெறப்படும் போது அவற்றிற்கான வரவேற்பும் அதிகமாகும். ஐரோப்பாவில் 2003 ஆம் ஆண்டில் வயதாவதை தடுக்கும் பொருட்களின் சந்தை 60% ஆல் அதிகரித்ததாக கணக்கிடப்பட்டுள்ளது. அமெரிகாவில் 2009 ஆம் ஆண்டில் 8.7% ஆல் அதிகரிக்கும் என எதிர்வுகூறப்படுவதுடன், இதன் பெறுமதி 30.7 பில்லியன் அமெரிக்க டொலர்களாக இருக்கும் எனவும் எதிர்பார்க்கப்படுகிறது.

உடலை இளமையாக வைத்திருக்கும் காரணிகளாக

A. ஒட்சியேற்ற எதிரிகள் (Anti-oxidants)

இன்றைய திகதிவரை வயது முதிர்ச்சியால் ஏற்படும் விளைவுகளை மீளமைக்கும் சாத்தியமான முறைக்கள் கண்டறியப்படவில்லை. ஆயினும் வயதாவதில் பங்கெடுக்கும் சில உயிர் தொழிற்பாடுகளும் அவற்றினுடைய பொறிமுறையும் கண்டறியப்பட்டுள்ளன. அவையாவன, சூழலியல், ஓமோன் சம்பந்தமான காரணிகளாகும், இவற்றின் செயற்பாடுகளை குறைக்க/ வேறு காரணிகள் மூலம் இவற்றின் செயற்பாட்டில் மாற்றங்களை ஏற்படுத்த முடியும்.

மிக முக்கிய சூழல் காரணியாக உயிர் மூலக்கூறுகள் free radicals களால் ஒட்சியேற்றமடைவதை கருதலாம். இது தோல்/ சருமம் வயதாவதற்கும் மற்றும் சில தாக்கங்களுக்கும் காரணமாகும். கழியூதா கதிர்கள் (UV) கதிர் வீச்சு இத்தாங்கங்களை தூண்டும் ஒரு முக்கிய காரணியாகும் ஆனால் இயற்கையாக சூரிய ஒளியை வடிகட்டும் பொருட்கள் இவ்வொளிபகுதியை தடுத்து நிறுத்தி விடுகிறன.

வேறு சில ஒட்சியேற்ற செயன்முறைகள் கல (cell) மட்டத்தில் சேதங்களை ஏற்படுத்துவதால் பல வயதாதல் சம்பந்தப்பட்ட நோய்கள் ஏற்பட காரணமாகிறன. உ-ம்: Arteriosclerosis

பல இயற்கையான ஒட்சியேற்ற எதிரிகள் இச்செயன்முறைகளை எதிர்ப்பதில் பங்கெடுக்கிறன. அவையாவன

1. விட்டமின் A,C, E
2. Taurine
3. நொதியங்கள்
a. superoxide dismutase
b. catalase
c. Gulutathione peroxidase

வேறு இயற்கையான ஒட்சியேற்ற எதிரிகளும் அவை அடங்கியுள்ள உணவு பொருட்களும்

1. அந்தோசயனின் (anthocyanes) - திராட்சைப்பழம்
2. Curcumin- மஞ்சள்
3. Flavanoids - Citrus பழங்கள், Green tea
4. Isoflavones -Red clover , சோயா
5. Lycopenes- தக்காளி
6. Carotenoids- கரட்
7. Taurine
8. Rosemarinic acid -Rosemary, oregano, marjoram, thyme, peppermint, comfrey, parsley,
balm, sage, hyssop, basil, lavender
9. ஓமேக 3 கொழுப்பமிலம்.

B. ஓமோன்கள்

எல்லா வயதாதல் சம்பந்தமான பிர்ச்சனைகளும் ஒட்சியேற்ற தாக்கங்களால் மட்டும் ஏற்படுவதில்லை. பால் ஓமோன்கள் ( Sexual hormones) வயது அதிகரிக்கும் போது அவற்றின் சுரப்பு குறைவடைவதாலும் ஏற்படுகிறன.

உ+ம்: மெனொபோசல் (Menopopausal)

பல தாவரங்களில் காணப்படும் phytoestrogens எனும் பதார்த்தங்கள் (உ+ம்: isoflavones, lignanes) பால் ஓமோன்ககளின் செயற்பாட்டை ஒத்த செயற்பாட்டை தரக்கூடியவையாக இருப்பதால் மெனோபோசல் இன் பக்க விளைவுகளில் இருந்து பாதுகாக்க உதவுகிறன.

அத்துடன் இவை ஒஸ்ரியோபொரோசிஸ், இதய நோய்கள், ஓமோனுடன் சம்பந்தப்பட்ட புற்றுநோய் ஆகியவற்றில் இருந்தும் பாதுகாப்பை தருகிறன.

C. வேறு பொருட்கள்

வெறு வயது போதலுடன் சம்பந்தமான நோய்களில் இருந்து பாதுகாப்பை தரகூடிய இயற்கை மூலங்களாக

Arthritis க்கு எதிரான இயற்கை உணவுகள்

a. devil's claw
b. boswellia
c. மஞ்சள்
d. இஞ்சி
e. stinging nettle
f. cat's claw

Heart problems எதிராக

a. whitethorn
b. camphor

புற்றுநோய்க்கு எதிராக

a. cat's claw
b. mistletoe

மிகுதி அடுத்த பகுதியில்........

மீன் உண்ணலாம்....

2006-09-26T04:29:00.000-05:00

Functional food எனும் பதத்தை எப்படி தமிழாக்குவது என்பதில் ஒரு குழப்பம். செயற்பாட்டு உணவுகள்/ தொழிற்பாட்டு உணவுகள் என்பதா? என் வசதிக்கு செயற்பாட்டு உணவுகள் என இப்பகுதியில் பயன்படுத்துகிறேன்.

செயற்பாட்டு உணவுகள் என்றால் என்ன ? என்பது சிந்திக்க வைக்கும் ஒரு வினா அதை பற்றி முதலில் சிறிது சொல்லிவிட்டு பின்னர் விடயத்துக்கு வருகிறேன்.

செயற்பாட்டு உணவுகள் என்பவையாவன உணவு அல்லது உணவு தயாரிப்புக்கள் சாதாரணமாக உணவு கொடுக்கும் பயன்களுக்கு மேலதிகமாக உடல் நலனை பேணும் செயலை ஆற்றகூடியன.

உதாரணமாக: ஒமேக 3 கொழுப்பமிலத்தை அதிகளவில் கொண்டிருக்கும் மீன், தாவர எண்ணேய் வகைகள் (சூரிய காந்தி எண்ணேய், நல்லெண்ணேய், சோயா எண்ணேய்) உடல் கொலஸ்திரோல் அளவை குறைத்தல்.

வளர்ந்த நாடுகளில் இன்று சந்தையில் கிடைக்ககூடிய செயற்பாட்டு உணவு வகைகளாக

ஒமெக 3 கொழுப்பமிலத்தை செறிவாக கொண்ட முட்டை, பாண் (Bread), சில வகை சிறப்பியல்பான இலத்திரிக் அமில பக்ரீரியாக்களை ( Lactic acid bacteria)கொண்டு நொதிக்கச்செய்யப்பட்ட யோகட், போன்றனவாகும்.

மீனும், மீனில் இருந்து தயாரிக்கப்பட்ட பொருட்களும் செயற்பட்டு உணவுகூட்டத்தில் முக்கிய பங்கை வகிக்கிறன.

மீன்

1. கல்சியத்திற்கான நல்ல மூலமாக இருக்கிறது
2. உயர்குருதி அழுத்ததை எதிர்க்கும் புரதம் (Protein),
பெப்ரைட்டுக்களை கொண்டிருக்கிறது
3. ஒட்சியேற்ற எதிரிகளை மீன் தோல் கொண்டிருக்கிறது
4. செலனியம், கைற்றின்( Chitin)
5. ஒமெக 3 கொழுப்பமிலம்
6. Taurine

1. மீனின் கழிவு பொருட்களில் இருந்து கல்சியம்

மீன் எலும்பானது கல்சியத்துக்கான மிக நல்ல மூலமாகும். முழுமையான சிறிய மீன் வகைகள் கல்சியத்தை அதிகளவில் கொண்டிருப்பதுடன் கல்சியத்தின் உயிரியல் கிடைதகவு (Bio availability) அதிகமாகும். ஆனால் பாற்பொருட்களுடன் ஒப்பிடும் கல்சியத்தின் கிடைதகவு மீனில் குறைவாகும். அண்மைய ஆராய்ச்சிகளில் மீன் எலும்பு, நண்டு ஓடு என்பவை கல்சியம் nutraceuticals தயாரிப்பதற்கு மிக நல்ல மூலப்பொருட்களாக அடையாளம் காணப்பட்டுள்ளன.

2. உயிர்தொழிற்பாட்டு புரதங்களும், பெப்ரைட்டுக்களும்

மீனானது உயர் குருதியழுத்ததிற்கு எதிரான பெப்ரைட்டுகளை (Anti-hypertensive peptides) கொண்டுள்ளது. Sadine மீன் தசைகளில் இருந்து 13 வகையான உயர் குருதியழுத்ததிற்கு எதிரான பெப்ரைட்டுகளை ஆராய்ச்சியாளர்கள் பிரித்தெடுத்துள்ளானர். இவை மனிதரில் குருதியழுத்தத்தை குறைக்கும் சாத்தியப்பாட்டை அதிகமாக கொண்டுள்ளன.

நொதியங்கள் (Enzyme) மூலம் பரிகரிக்கப்பட்ட மீன் புரத பெறுதிகளும் இதயத்தை பாதுகாக்கும் ( Cardioprotective: Anti-atherogenic) காரணியாக இருப்பதால் செயற்பாட்டு உணவாக/ மருந்து பொருளாக கருதப்படுகிறது.

3. ஒட்சியேற்ற எதிரிகள்

Anguilla japonica, Conger myriaster ஆகியவை சீன உணவில் பிரசித்தமான eel மீன் இனங்களாகும். அத்துடன் இவை பாரம்பரிய சீன மருத்துவத்திலும் பயன்படுத்தப்படுகிறன.

ஒட்சியேற்ற எதிரிகள் உடலை ஒட்சியேற்ற தாக்கத்திலிருந்து பாதுகாக்கிறன. இவை உயிரியல் ரீதியில் தாக்கமடையக்கூடிய ஒட்சிசன் இனங்களின் தாக்கதை தடுக்கிறன.

இம் மீன் இனங்களின் தோலில் இருந்தும், உடற் சதையில் இருந்தும் எடுக்கப்பட்ட சாறு free radical, hydroxyl radical ஆகியவற்றை அகற்றுவது அவதானிக்கப்பட்டுள்ளது.

4. செலனியம்

பொதுவாக மக்கள் செலனியம் குறைபாடு உடையவர்களாக இருக்க முடியும். அண்மைய ஆய்வுகள் சேதன செலனியமானது ஒரு புற்றுநோய் எதிரியாக இருக்கும் சாத்தியத்தை எடுத்துகூறுகிறன. மீன் பண்ணைகளில் இயற்கையில் அதிகளவு சேதன செலனியத்தை கொண்ட மூலப்பொருளான உள்ளி கலக்கப்பட்ட உணவை கொடுப்பதன் மூலம் மீனில் சேதன செலனியத்தின் அளவை அதிகரிக்க முடியும் என அறியப்பட்டுள்ளது.

5. ஒமேக 3 கொழுப்பமிலம்

மீன் பண்ணைகளில் வழங்கப்படும் உணவுகளில் ஒமேக 3 கொழுப்பமிலத்தின் அளவை அதிகரிப்பதன் மூலம் மீனில் இதன் அளவை அதிகரிக்க முடியும். இக்கொழுப்பமிலமானது இதய நலனுக்கு அத்தியாவசியமானதாகும்.

6. Taurine

அண்மைய மருத்துவ ஆய்வுகள் ஒரு நாளைக்கு 1 கிராம் Taurine உள்ளெடுப்பது இதய நலனுக்கு உகந்ததாக சொல்கிறன. மீனானது இதற்கான நல்ல மூலமாகும்.

மீன் இனங்களுக்கு ஏற்ப இதன் அளவு வேறுபடும் உதாரணமாக

Plaice = 126mg/100g
cod = 93 mg/100g
mackerel= 69 mg/100g
Albacore tuna =155g/100g
ray wing = 128g/100g

இவ்வாறு பல் வேறு உடல் நலனுக்கு உகந்த பல பொருட்களை மீன் கொண்டுள்ளதால் எதிர்காலத்தில் மீனானது தொழிற்பாட்டு உணவு/ மருந்து பொருள் தயாரிப்பில் மிக முக்கியமான ஒரு உணவு பொருளாக கருதப்படுகிறது.

பரிசாகத் தரப்பட்ட நிலம் : உணவுக்கு இரந்து நிற்கிறது.

2006-09-25T15:54:00.000-05:00

ஒரு பாடலுக்குப் பரிசாகத் தரப்பட்ட நிலம் : உணவுக்கு இரந்து நிற்கிறது.

யாழ்குடாநாட்டின் கழுத்துக்கள் இறுக்கப்பட்டு மூச்சு திணறி கொண்டிருக்கிறது. எட்டு லட்சத்திற்கு மேற்பட்ட மக்களை 1980 களில் கொண்டிருந்த பிரதேசம் இன்று அதனிலும் பாதிக்கும் குறைவான மக்களுக்கே உணவின்றி தவித்துகொண்டிருக்கிறது. உணவு கையிருப்பு போதாது, மக்கள் அவலத்தை எதிர் கொள்கிறார்கள் என செஞ்சிலுவை சங்கம், ஐநா அமைப்பு, அங்கிருக்கும் அரச பிரதிநிதியான அரச அதிபர் ஆகியோர் சொல்லி கொண்டிருக்க அரசோ அவ்வாறன ஒரு நிலையே இல்லை என சொல்லிகொண்டிருக்கிறது.

சமதனத்தின் பின் கையடக்கத்தொலைபேசிகளோடு கலகலத்த யாழ்ப்பாணம்; சாமாதானம் சேடமிழுக்க தொடங்க, கைத்தொலைபேசி இணைப்புக்களும் போய்விட ஆங்காங்கே உள்ள தொலைத்தொடர்புச்சேவை நிலையங்களே தஞ்சம் என தனது 2000 ஆம் ஆண்டைய பழைய நிலைக்கு திரும்பி இருக்கிறது. அதிலும் கம்பி வழி தொலைத்தொடர்பு நிலையங்களுக்கு தொடர்பெடுப்பது ஓரளவு இலகுவானது. ஆனால் மோட்டரோலா எனப்படும் அன்ரனா மூலம் தொடர்புகொள்ளும் தொலைபேசி இலக்கங்களுக்கு தொடர்பெடுத்து பேசிவிட்டால் நீங்கள் மிக அதிஸ்டசாலிகள். தொலைத்தொடர்பு நிலையத்தில் உள்ள தொடர்பெடுத்து உறவினர்களை குறிப்பிட்ட நேரத்துக்கு வருமாறு சொல்லிவிட்டு அந்த நேரம் அழைப்பெடுக்க முற்பட்டால் அந்தோ பரிதாபம் தொடர்பு கிடைக்காது ஏமாற்றம் தான் மிஞ்சும். இவற்றுக்குள்ளாலும் உறவினர்களுடன் தொடர்பு கொண்ட போது அவர்கள் மூலம் அறிந்து கொண்ட அங்குள்ள நிலமைகளின் சாரத்தை முதலில் தருகிறேன். பின்னர் ஊடகங்களில் வந்த செய்திகளின் சாரத்தை பார்க்கலாம்.

சில்லறை கடைகளில் அத்தியாவசியாமன உணவு பொருட்கள் ஏதுமற்றநிலை. கடைகள் வெறுமையாகிவிட்டன (எமது பாணியில் சொன்னால் ஒழிகடை). கடையில் எஞ்சி உள்ளவையோ பற் தூரிகை, பற்பசை போன்ற அத்தியாவசியமற்ற பொருட்களே. காலையும் மாலையும் மக்கள் பாண் (Bread) வாங்குவதற்காக வரிசையில் நிற்கிறார்கள். சில கடைகள் பாண் விற்பதற்காக மட்டுமே காலையும் மாலையும் திறக்கப்படுகிறன.

அத்தியாவசிய உணவு பொருகளான கோதுமை மா, சீனி என்பன தனியார்கடைகளில் கிடைத்தால் அது முயற்கொம்பு. ஒரு கிலோ சீனியின் விலை 160 ரூபாக்களை தாண்டி போய் பலகாலம். பலநோக்கு கூட்டுறவு சங்கங்கள் 250 கிராம் சீனியை பங்கீட்டு அட்டைக்கு வினியோகித்தன.

இனி ஊடகங்களில் வந்த செய்தியை பார்ப்போம்.

1. இந்த நாட்டிலுள்ள சிறுவர்கள் காலை வேளையில் பாடசாலைகளுக்கு செல்வதைப் பார்க்க சந்தோசமாக இருக்கிறது. ஆனால் யாழ். குடாநாட்டிலுள்ள மாணவர்கள் கடந்த ஒரு மாத காலமாக காலையில் கடைகளுக்கு முன்பாகவும் பேக்கரிகளுக்கு முன்பாகவும் வரிசையில் நிற்கும் மிகப் பெரும் அவலத்தையே இன்றைய யுத்த சூழல் தோற்றுவித்துள்ளது என்று கூறியவாறு தன்னையே மறந்து கண்ணீர் விட்டழுதார் தமிழ்த் தேசியக் கூட்டமைப்பின் யாழ். மாவட்ட பாராளுமன்ற உறுப்பினர் கே.சிவநேசன்.

நன்றி..

http://www.thinakkural.com/news/2006/9/24/importantnews_page11497.htm

2. பசியின் கொடுமை தாங்காது குடும்பஸ்தர் ஒருவர் வீதியால் பெண்ணொருவர் வாங்கிச் சென்ற அரிசியை அபகரித்துக் கொண்டு ஓடிய பரிதாப சம்பவமொன்று யாழ்ப்பாணம் மானிப்பாய் பகுதியில் நேற்றுமுன்தினம் வெள்ளிக்கிழமை இடம்பெற்றுள்ளது. இச்சம்பவம் குறித்து மேலும் தெரியவருவதாவது; ......

........

பசியின் கொடுமையால் ஓடக்கூட முடியாது நின்ற அக்குடும்பஸ்தர் தானும் மனைவி பிள்ளைகள் எவருமே நான்கு நாட்களாக சாப்பிடவில்லை எனவும் பசிக்கொடுமை தாங்கமுடியாததால் குழந்தைகள் பசியால் வாடுவதைப் பொறுக்க முடியாது தான் இவ்வாறு செய்ததாகவும் விம்மி அழுது கூறியுள்ளார்.

http://www.thinakkural.com/news/2006/9/24/importantnews_page11496.htm

3. அரிசியின் விலை நாளுக்கு நாள் கிடுகிடுவென உயருகின்றது. யாழ். நகரை அண்மித்த வர்த்தக நிலையங்களில் ஒரு கிலோ அரிசி ரூபா 135 ஆக விற்பனையானது.பத்து கிலோ கொண்ட சிறிய அரிசி மூடை 1,350 ரூபா விலைபோனது. இதே சமயம் தேங்காய் எண்ணெய்யின் விலையும் லீற்றர் ஒன்று ரூபா 245 இற்கு விற்பனை செய்யப்பட்டதாகத் தெரிகின்றது.தினசரி பொருள்களின் விலை அதிகரித்துக் கொண்டே செல்வதால் பாவனையா ளர்கள் தாம் பெரிதும் கஷ்டங்களை எதிர்கொள்வதாகக் கூறுகின்றனர்.

http://www.uthayan.com/

உதயன் 25/09/06

4.
மரவள்ளி மாவில் சுவையான உணவுப் பொருள் தயாரிக்கலாம்
எமது பிரதேசத்தில் தற்போது காணப்படுகின்ற கோதுமை மா தட்டுப்பாட்டை நிவர்த்தி செய்ய மரவள்ளி மாவை பயன்படுத்துவோம். இதில் கிட்டத்தட்ட 35 வீதம் காபோகைதரேற்று காணப்படுகின்றது. விவசாயிகளிடம் இருந்து நேரடியாக மரவெள்ளிக்கிழங்கை கிலோ 12 15 ரூபாவிற்கும், சந்தையில் கிலோ 25 ரூபாவிற்கும் பெற்றுக்கொள்ளலாம். இவ்வாறு மலிவாக கிடைக்கும் போது மரவள்ளி மாவை தயாரிக்கலாம். மரவள்ளி மா தயாரிக்கும் முறை மரவள்ளிக்கிழங்கின் தோலை உரித்து நீரில் சுத்தமாக கழுவிய பின் சிறுசிறு சீவல் களாக்கி 2 அல்லது 3 நாள்கள் வெயிலில் நன்றாகக் காயவைக்கவும். பின்பு தேவைக்கு ஏற்ப அளவு சீவலை உரலில் இடித்தோ அல்லது ஆலையில் கொடுத்து அரைத்தோ பயன்படுத்தலாம். ஒரு கிலோ கிழங்கில் இருந்து அண்ணளவாக 300 கிராம் மாவைப் பெறலாம்.மரவள்ளி மாவில் சுவாயான ரொட்டி தயாரித்தல் தேவையான பொருள்கள்:மரவள்ளி மா 500 கிராம், வெங்காயம் சிறிதளவு, மிளகாய் சிறிதளவு, தேங்காய் துருவல் சிறிதளவு, உப்பு தேவையான அளவு, நீர் தேவையான அளவு.செய்முறைஒரு கோப்பையில் மரவள்ளி மாவை இட்டு தேங்காய் பூ, வெங்காயம், மிளகாய் என்பவற்றை சேர்த்து மாவுடன் கலக்கிய பின்னர் தேவையான உப்பு, நீர் ஊற்றி குழைத்து சாதாரணமாக ரொட்டி மாவின் பதத்திற்கு எடுக்கவேண்டும். பின் சிறு சிறு உருண்டைகளாக்கி அவற்றை இலையில் தட்டி எடுத்து, அடுப்பில் உள்ள கல்லில் வேகவைத்து எடுக்கவும். பின்னர் சுடச்சுட உண்டால் நல்ல சுவையாகவும் வாசனையாகவும் இருக்கும்.

http://www.uthayan.com/

உதயன் 25/09/07

இந்தளவு தகவலும் இன்றைய நிலையை மிகத்தெளிவாக விளக்க போதுமானவை.

இவற்றை விட ஆங்கில செய்தி தளங்களில் அவ்வப்போது வந்த இணைப்புக்கள்.

1. http://www.tamilnet.com/art.html?catid=13&artid=19692

2. ஐநா சபையின் அறிவிப்பு

Sri Lanka: with supplies cut ‘serious problem’ looms in Jaffna, UN warns

http://www.un.org/apps/news/story.asp?NewsID=19968&Cr=&Cr1=

3. ரொய்ட்டர்

Sri Lanka's Jaffna adapts to siege, but food a worry

http://www.alertnet.org/thenews/newsdesk/SP263817.htm

4. Jaffna on the verge of starvation as WFP suspends operations[ Morning Leader ] - [ Sep 20, 2006 10:16 GMT ]

http://tamilcanadian.com/news/index.php?action=full_news&id=414

5. Food situation in Jaffna choking says Red Cross

http://www.hindustantimes.com/news/7598_1788342,000500020002.htm

போர் நிறுத்தம் ஒன்று நடைமுறையில் உள்ளதாக சொல்லப்பட்டுகொண்டிருக்கும் போதே இன்நிலையென்றால் முழுமையான போர் தொடங்கினால் அப்பப்பா சொல்லவே தேவையிருக்காது.

பட்டிணி சாவை எதிர்கொள்ளும் மக்களின் அவலத்துக்கப்பல் நாளாந்தம் சுட்டுகொல்லப்படும், காணாமல் போகும் மக்களின் எண்ணிக்கை யாழ்குடா வாழ்வின் இன்னுமொரு அவலமான பக்கம்.

யாழ்குடாவில் இருக்கும் புலம்பெயர் மக்களின் பண உதவி உள்ள மக்கள், அரச பணியாளர்கள் என ஒரு பகுதியினருக்கு பணமிருந்தாலும் பொருளில்லாத நிலை.

ஆனால் நாளாந்தம் கூலி வேலைக்கும், மீன் பிடியையும் நம்பி குடும்ப வாழ்வை கொண்டிழுக்கும் மக்களின் நிலையை எண்ண ..... எதை சொல்வதென்றே தெரியவில்லை. இப்போதைய சூழ்நிலையில் கூலி வேலை எங்குகிடைக்கும்? , மீன்பிடி எப்படி செய்வது?

இவர்களின் குடும்பங்களின் நிலை என்ன??

95 க்குமுன்னும் யாழ்குடா நாடு உட்பட ஏனைய பகுதிகளும் பொருளாதார தடைக்குள் இருந்தன. ஆனால் வன்னிபெருநிலத்தொடு தொடர்புகள் இருந்தன. இதனால் அரிசியாவது கிடைக்ககூடிய நிலை இருந்தது. நாட்கூலி செய்வோர் தமது தொழிலை மாற்றி வேறு பகுதிகளில் இருந்து சைக்கிள் களில் விறகு, பொச்சு என பலவற்றை கொண்டு சென்று விற்று பொழுதை ஓட்டினார்கள்.

இன்றைய யாழ்குடா நாடு வன்னியின் தொடர்புமற்றுள்ளதால் அரிசிக்கும் தென்னிலங்கையை நம்பவேண்டிய நிலை. இராணுவ கெடுபிடிக்குள் விறகு கட்டி விற்று கூட பிழைப்பு நடத்தமுடியாத நிலலயில் மக்கள்.

யாழ்குடாவின் நெல்லுற்பத்தியில் பெரும் பங்காற்றும் தனங்களப்பு, அறுகுவெளி போன்ற பிரதேசங்கள் 5 வருடங்களுக்கு மேலாக நெற்செய்கைக்கு அனுமதிக்க படாது மிதிவெடிகளின் விளைநிலமாகியுள்ள அவலம். ஏனைய நெற்செய்கை பண்ணூம் சில பகுதிகளும் கடந்தவருடம் பெய்த அதிகரித்த மழையால் விளைச்சலற்றுப்போன நிலை என எல்லா பக்கத்தாலும் நொந்து போயிருக்கும் மக்கள்........

இவற்றுக்கு விடை எப்போது கிடைக்கும்??

இன்னும் நிறைய எழுதலாம். ஆனால் எழுதுவதால் ஏதும் பயன் கிட்டுமா??

எம் மன ஆறுதலுக்காக மட்டுமே........

உரிமை குரல் நிகழ்வு- நெதர்லாந்து

2006-05-29T14:55:00.000-05:00

உலகின் பலவேறு நாடுகளிலும் வசிக்கும் ஈழத்தமிழ் மக்களால் இன்று மேற்கொள்ளப்பட்ட/ மெற்கொள்ளப்பட்டு வரும் உரிமைக்குரல் நிகழ்வின் ஒரு அங்கமாக நெதர்லாந்து நட்டு தமிழ் மக்களால் மேற்கொள்ளப்பட்ட நிகழ்வின் படங்கள் இவை.

நெதர்லாந்தின் Den Haag இல் அமைந்துள்ள பாராளுமன்றத்துக்கு முன்னே காலை 11 மணியளவில் முதியவர், இளையவர் குழந்தைகள் என்ற வேறுபாடின்றி கூடிய மக்கள் தமிழ் மக்களில் உரிமைக்காகவும், இலங்கை அரசிம் படுகொலைகளை கண்டித்தும் குரல் எழுப்பினர். பாரளுமன்ற உறுப்பினர் Krista van Velden அவர்களிடம் மகஜர் ஒன்றையும் கையளித்தனர்.

கண்மூடி கடலை போடுவோருக்கு......

2006-03-29T10:13:00.000-06:00

நிலக்கடலை/கச்சானை கண்ணை மூடிகொண்டு உடைத்து வாயில் போடுவோர் கவனமாக இருக்க வேண்டும்.

நிலக்கடலை அதிகளவில எண்ணெய் உற்பத்திக்காகவும், பதப்படுத்தப்பட்ட கடலையாகவும் உண்ணப்படுகிறது.
நிலக்கடலை இலகுவில் Aspergillus flavus எனும் பூஞ்சண தொற்றுக்கு உள்ளாககூடியது. இப்பூசணமானது தனது அனுசேபச்செயற்பாட்டின் போது சில நச்சு பதார்த்தங்களை உருவாக்குகிறது. அதனை aflatoxin என அழைப்பார்.

நிலக்கடலையை தவிர
சோளம் (Maize)
நெல்/அரிசி
மஞ்சள்,
மிளகு
தேங்காய்/கொப்பறா
சூரியகாந்தி
பாலும், பாற் பொருட்களிலும் காணப்படலாம்.

இந்நச்சு பொருள் ஆனது
மனிதரில் விரும்பந்தகாத பாதிப்புகள்/நோய்களை ஏற்படுத்த வல்லது.

1. குறிப்பாக ஈரலில் (liver)புற்றுநோயை ஏற்படுத்தும் வல்லமை மிக்கது. ஏனைய பகுதிகளிலும் புற்றுநோயைஏற்படுத்த முடியும்
2. மஞ்சள் காமலையை ஏற்படுத்தும் ஹெப்பரைரிஸ் வைரசின் வீரியத்தை/ தாக்கத்தை அதிகரிக்கச்செய்யும்.
3.சிறுவர்களில் வளர்ச்சியை பாதிப்பதாக அறியப்பட்டுள்ளது. குறிப்பாக ஆபிரிக்கவிலும்,இந்தியாவில் childhood cirrhosis ஐ ஏற்படுத்துவதாகவும் அறியப்பட்டுள்ளது.
3. விலங்குகளுக்கு இந்நஞ்சுகலப்புள்ள உணவுகளை கொடுப்பதால் விலங்குகளில் வளர்ச்சிபாதிக்கப்டுவதுடன் கோழிகளில் முட்டை உற்பத்தி பாதிக்கபடுகிறது. பால்மாடுக்கு உணவாக கொடுக்கப்படும் போது பால் மூலம் சுரக்கபட்டு மனிதரை அடையும் சாத்தியம் உண்டு.

நிலக்கடலையில் எப்போதும் தொற்று ஏற்படும் என சொல்லமுடியாது. அதே போல ஒரு மூடையில் உள்ள எல்லா கடலைகளும் பாதிக்கப்ப்ட்டிருக்கும் என்றும் சொல்ல முடியாது.
அறுவடையின் போது சேதமடைந்த கடலைகள்
சேமிப்பின் போது ஈரலிப்பான நிலை இருத்தல்
போதுமான அளவுக்கு உலர்த்ததுவிடுதல்
அதிக முதிச்ச்சியடைந்த / குறை முதிர்ச்சியடைந்த நிலையில் அறுவடை செய்யப்படல்
போறவை இதன் தொற்றை அதிகரிக்க செய்யலாம்.

நிலக்கடலையை 120 பாகை செல்சியசில் சூடக்கும் போது பெருமளவு நச்சு பதார்த்தம் அழிவடைவது அவதானிக்கப்பட்டுள்ளது.
எந்த வித வெப்ப பரிகரிப்பும் இல்லாது உண்ணும் போதோ அல்லது அவித்து உண்ணும் போதோ இந்நஞ்சு பதார்த்தம் மனிதரை அடைய சாத்தியம் உண்டு.
கடலையை உடைத்து அதை வடிவாக பாத்துவிட்டு உண்ணுவோர் பூஞ்சணத்தால் தொற்று ஏற்பட்ட கடலைகளை அவதானிக்கமுடியும், அவ்வாறு இல்லாது கடலையை உடைத்து வாய்க்குள் போடுவோர் வரும் காலத்தில் சற்று அவதானமாக இருங்கள்.

செயற்கை இனிப்பூட்டிகள்

2006-02-09T04:22:00.000-06:00

tசிறியோர் முதல் பெரியோர் வரை விரும்பப்படும் இனிப்பு சுவையை பெறுவதற்கு வெல்லங்களே பொதுவாக தொன்று தொட்டு பாவிக்கப்பட்டு வருகிறன. இன்றைய சூழலில் நீரிழிவு (சர்க்கரை வியாதி), உடல் நிறை அதிகரிப்பு பொன்ற காரணங்களுக்காக வெல்லங்களை உண்ண முடியாது பலர் அவதிப்பட்டுக்கொண்டிருப்பது கண்கூடு. இதனால் உணவில் வெல்லம் சேர்க்க முடியாதவர்களுக்கு இனிப்பு சுவையை கொடுப்பதற்காக பலவேறு இரசாயன பொருட்கள் அறிமுகப்படுத்தப்பட்டுள்ளன/அறிமுகப்படுத்தப்பட்டு வருகிறன.

பொதுவாக செயற்கை இனிப்பூட்டிகள் வெல்லங்களிலும் பலமடங்கு இனிப்பு சுவை மிக்கவையாக காணப்படுவதால் மிகச்சிறிய அளவில் உள்ளெடுக்கப்படும் போதுமான இனிப்பு சுவையை வழங்க கூடியவை.

அவற்றுக்கு சில உதாரணங்கள்...

1. Acesulfame K
2. Aspartame
3. Saccharin
4. Stevia

இவை உடல் நலனுக்கு உகந்தவை என ஆரம்பத்தில் அறிமுகப்படுத்தப்பட்டாலும் காலப்போக்கில் மனிதரின் உடல் நலனை பதிப்பதாக சில ஆராய்ச்சி முடிவுகள் வெளியாகியுள்ளன.

1. Acesulfame K
ஐக்கிய அமெரிக்க நாடுகளில் 1988 யூலை மாதத்தில் பாதுகாப்பான செயற்கை இனிப்பூட்டியாக அங்கிகரிக்கப்பட்டது. ஆனால் பின்னர் நடைபெற்ற பல்வேறு ஆராய்ச்சிகள் இச்சுவையூட்டி உடலுக்கு பாதகமான விளைவை தரக்கூடியது என சொல்லப்படுகிறது.

இது கரும்பு வெல்லத்திலும் 200 மடங்கு இனிப்பு சுவையுடையது.

* உள்ளெடுக்கப்படும் இச்சேர்வையின் அளவுக்கு ஏற்ப உடலில் இன்சுலின் ஓமோன் சுரப்பை அதிகரிக்கச்செய்கிறது. இதனால் குருதியில் வெல்ல அளவு குறைய காரணமாகிறது
* எலிகள்/சுண்டெலிகளில் செய்யப்பட்ட ஆய்வுகளில் நுரையீரல்,மார்பகம், குருதி ஆகிய வற்றில் புற்று நோய் ஏற்படுத்துவதாக கண்டறியப்பட்டுள்ளது.

2. Aspartame

இது அஸ்பட்டிக அமிலம், பீனைல் அலனீன் எனும் இரண்டு அமினோ அமிலங்களால் ஆனா ஒரு இரு பெப்ரைட் ஆகும்.

கரும்பு வெல்லத்திலும் 200 மடங்கு சுவை இனிப்பு சுவை மிக்கது

இதை உள்ளெடுப்பதால் ஏற்படக்கூடிய பக்க விளைவுகளாக பல சொல்லப்பட்டாலும் அவற்றை நிரூபிக்க இன்னும் அதிக ஆய்வுகள் மேற்கொள்ளப்பட வேண்டிய தேவை உள்ளது.

* தலையிடி
* various neuropsychiatric disorders, including
-panic attacks,
-mood changes,
-visual hallucinations,
-manic episodes, and
-isolated dizziness.

3. Saccharin

இது கரும்பு வெல்லத்திலும் 300 மடங்கு இனிப்பு சுவை கொண்டது.

பலகாலமாக செயற்கை இனிப்பூட்டியாக இது பாவிக்கப்பட்டு வந்தாலும் இது ஆய்வுகூட விலங்குகளில் புற்றுநோயை ஏற்படுத்திய காரணத்தால் அமெரிக்க ஐக்கிய நாடுகளில் இதை கொண்ட உணவுகளில் எச்சரிக்கை வாசகம் இடம் பெறுவது வழக்கமாக இருந்தது.

"use of this product may be hazardous to your health ...contains saccharin which has been determined to cause cancer in laboratory animals."

ஆனால் மனிதரில் புற்று நோயை ஏற்படுத்துவதற்கான ஆதாரம் ஏதும் இல்லாத காரணத்தால் 2001 ம் ஆண்டில் இருந்து இவ்வெச்சரிக்கை மீளப்பெறப்பட்டுவிட்டது.

4. Stevia

இது stevia (Stevia rebaudiana Bertoni), எனும் தாவர இலையில் இருந்து பிரித்தெடுக்கப்படுகிறது. கரும்பு வெல்லத்திலும் 250-300 மடங்கு இனிப்பு சுவை உள்ளது. ஜப்பானிய அரசாங்கம் இதை உணவில் பயன்படுத்த அனுமதியளித்துள்ளது. அமெரிகாவில் இதற்கான அனுமதி இன்னும் வழங்கப்படவில்லை.

French fry பிரியர்களுக்கு ஒரு தகவல்

2006-01-09T05:47:00.001-06:00

உணவு தயாரிப்பின் போது உடலுக்கு பல பாதகமான பதார்த்தங்கள் உருவாகுவது கண்டறியப்பட்டுள்ளது. அவற்றில் French fry தயாரிக்கும் போது அக்கிரலமைட் எனும் பதார்த்தம் உருவாகிறது. அதைபற்றி சிறிது பார்ப்போம்.

Acrylamide அக்கிரலமைட் எனப்படுவது ஒரு மணமற்ற,வெண்மையான அறைவெப்பநிலையில் திண்மமாக காணப்படும் ஒரு பதார்த்தமாகும். இதன்
மூலக்கூற்று சூத்திரம்- C3H5NO
மூலக்கூற்று நிறை -71.08.
இதன் பல்பகுதியமானது
நீர் பரிகரிப்ப- Water treatment
எண்ணெய் பிரித்தெடுப்பு- Enhanced oil recovery
வீழ்படிவாக்கி- Flocullant
கழிவுபொருட்களின் பரிகரிப்பு - Sewage and waste water treatment ;......
ஆகியவற்றுக்கு பயன்படுத்தப்படுகிறது.
அண்மைய காலங்களில் இது உணவிலும் காணப்படுவதாக கண்டறியப்பட்டுள்ளது. (Swedish National Food Administration, 2002)

உணவில் அக்கிரலமைட் உருவாகும் முறை
இது Maillard-reaction எனும் தாக்கத்தின் பக்கவிளைபொருளாக உருவகிறது

[Maillard-reaction -இது உணவில் காணப்படும் அமினோ அமிலங்களுக்கும்/புரதகூறுகளுக்கும், தாழ்த்தும் வெல்லங்களுக்கும் (Reducing sugars) இடையே உணவு பரிகரிப்பின் போது நிகழும் தாக்கமாகும் ]

உணவை >120 °C வெப்பநிலையில் தயாரிக்கும் போதுகுறிப்பாக asparagin எனும் அமினோ அமிலத்துக்கும் தாழ்த்தும் வெல்லங்களுக்கும் இடையேயான தாக்கத்தால் அக்கிரலமைட் உருவாகிறது.

உணவில் இதன் உருவாக்கத்தில்/ செல்வாக்கு செலுத்தும் காரணிகளாவன:
1.உணவு தயாரிக்கும் வெப்பநிலை
2.உணவு தயாரிக்க எடுக்கும் நேரம்
3. தாழ்த்தும் வெல்லங்கள்
4.அஸ்பராஜீன்-asparagin [இது உருளைகிழங்கில் அதிகம் காணப்படுகிறது]

இது அதிகளவில் காணப்படக்கூடிய உணவுகளாவன:

–French fries
–Potato chips
–Cakes, bread, cookies

French fry [உருளைகிழங்கு பொரியல் :-) ] தயாரிக்கப்படும் வெப்பநிலை பொதுவாக 160-180 டிகிரி செல்சியஸ் ஆகும்.
அத்துடன் உருளைகிழங்கு அதிகளவு அஸ்பரஜீனையும், குறிப்பிட்ட சில காலங்களில் அதிகளவான தாழ்த்தும் வெல்லங்களையும் கொண்டிருக்கும்.
இதனால் அக்ரிலமைட் French fry இல் உருவாகுவதற்கான சாத்தியங்கள் அதிகமாகும்.
உடலில் அகத்துறுஞ்சப்படும் முறை:
உணவுகால்வாய், சுவாசம் தொகுதி, தோலினூடு அகத்துறுஞ்சப்படக்கூடியது.
இதன் நச்சுத்தன்மை
Neurotoxic -நரம்புதொகுயில்

–குறுகியகாலத்திற்கு உள்ளெடுக்கப்படும் போது-பலவீனமான கால்கள்,கைகளில் தோல் உரிதல்
–நீண்டநாட்களுக்கு உள்ளெடுக்கப்படும் போது-cerebellar disfunction, neuropathy
–Reproductive toxicity இனப்பெருக்க தொகுதியில்

–எலிகளிலும் சுண்டெலிகளிலும் விந்துகளில் விகாரங்கள் ஏற்படுவது அவதானிக்கப்பட்டுள்ளது.

Carcinogenic- புற்றுநோய்
–எலிகளிலும், சுண்டெலிகளிலும் புற்றுநோய் ஏற்படுவது அவதானிக்கப்பட்டுள்ளது.
மனிதனிலும் ஏற்படக்கூடிய சாத்தியம் உண்டு.

நாளாந்தம் உள்ளெடுக்கப்பட்கூடிய அக்கிடலமைட் அளவு
•0. 2 µg/kg per day

உலகில் பனையின் பரம்பல் பற்றிய ஒரு சிறு தகவல்

2006-01-09T03:47:00.000-06:00

உலகில் 140 மில்லியன் பனை மரங்கள் இருப்பதாக அறியப்பட்டுள்ளது. உலக நாடுகளில் அதன் பரம்பல்
இந்தியா -60
மேற்கு ஆபிரிக்கா-50
இல்ங்கை-11.1
இந்தோநேசியா-10
மடகஸ்கார்-10
மியான்மார்-2.3
கம்பூச்சியா-2
தாய்லாந்து-2

உலகில் அதிகளவில் கணப்படும் இந்தியாவிலிருந்தோ அல்லது இலங்கையில் இருந்தோ அதிகளவு பனம்பொருட்களை ஐரோப்பிய சந்தையில் காணமுடிவதில்லை(தமிழ் கடைகளை தவிருங்கள்). ஆனால் தாய்லாந்தில் இறக்குமதி செய்யப்பட்டு பல பனம் பொருட்கள் சந்தையில் காணப்படுகிறது.
இன்நிலைமாறுமா???

செல்லிடப்பேசிகளால் ஏற்படக்கூடிய பாதிப்பு

2006-01-09T02:41:00.000-06:00

செல்லிடப்பேசிகள் இன்றைய மனித வாழ்க்கையில் இன்றியமையாத ஒரு பாகமாகிவிட்டன. நாளும் பொழுதும் செல்லிடபெசியுடனேயே வாழ்க்கையை போக்கும் அனைவரும் கவனிக்கவேண்டிய செய்தி ஒன்று.

மின்னஞ்சல் மூலம் இதை அனுப்பிய நண்பனுக்கு நன்றி.

நன்றி தினமலர்.............

2005-12-05T12:54:00.000-06:00

நீண்ட நாட்களாக எனது வலைப்பதிவை கவனிக்காது இருந்துவிட்டேன். அந்த காலப்பகுதிக்குள் தினமலரில் (3/10/2005)எனது வலைப்பதிவைப்பற்றி அறிமுகம் செய்திருந்ததை அவதானிக்கமுடியாது போய்விட்டது. அண்மையில் திரு. சரவணனும், துளசி அக்காவின் பின்னூட்டத்தை பார்த்துதான் தெரிந்துகொண்டேன் எனது பதிவு பற்றி தினமலரில் குறிப்பு வந்திருக்கிறது என்பதை. பின்னூட்டம் இடும் நேரம் மட்டுமே தெரியும் படி எனது வலைப்பூ ஒழுங்கமைப்பு இருந்ததால் எந்த திகதியில் சரவணனும், துளசி அக்காவும் பின்னூட்டம் இட்டனர் எனவும் உடனே பார்க்கவில்லை. இது தொடர்பாக சரவணனிடம் கேட்டு மின்னஞ்சல் போட்டிருந்தேன். அவரும் சுகவீனம் காரணமாக நீண்ட நாட்கள் பதிலிடமுடியாது இன்று தான் பதிலிட்டிருந்தார். அதன் பின் தான் எனது வலைப்பூவின் பின்னுட்ட அமைப்பில் திகதியும் தெரியும்படி மாற்றிஅமைத்து பார்த்தபோது தெரிந்தது தினமலரின் அறிமுகம் சுமார் இரண்டு மாதங்களுக்கு முன் வந்திருந்தது என்பது.

இன்று தான் தினமலரின் அன்றைய திகதிய பதிப்பை வசித்தேன்.

எனது வலைப்பூ பற்றி அறிமுகப்படுத்திய தினமலர் ஆசிரியர் குழுவுக்கு எனது மனமார்ந்த நன்றிகள்.

அதை வாசித்து எனக்கு அறியத்தந்த திரு. சரவணன், துளசி அக்கவிற்கும் நன்றிகள்.

உணவே மருந்து

2005-11-25T18:47:00.000-06:00

நலவாழ்வுக்கான உணவு கூம்பகம்/பிரமிட்

இது ஒரு மனிதன் சுகதேகியாக வாழ்வதற்கு எவ்வாறு தனது உணவுப்பழக்கத்தை அமைத்துக்கொள்ள வேண்டும் என்பதை விளக்குவதற்கான அமைப்பாகும். முக்கோண வடிவிலான அமைப்பில் உள்ளெடுக்கப்படவேண்டிய உணவுகள் பற்றி இப்படம் எளிமையாக விளக்குகிறது. கீழே அடிப்பரப்பில் உள்ள உணவுகள் அதிக அளவில் உள்ளேடுக்கப்பட வேண்டும் . மேலே செல்ல செல்ல அவை குறைந்த அளவில் உள்ளெடுக்கப்பட வேண்டும்

நாளாந்தம் உட்கொள்ளவேண்டியவை.

1. நீர்

முக்கோணத்தின் அடிப்பரப்பானது நீரினால் நிரப்பப்பட்டுள்ளது. அதாவது ஒரு மனிதன் சுகதேகியாக வாழ நீர் உள்ளெடுத்தல் மிக அடிப்படையானது என்பதை இது காட்டுகிறது.

ஆண் -> ஒரு நாளுக்கு 12 கிளாஸ்/ 3லீட்டர்/ 96 அவுன்ஸ் நீர் அருந்தவேண்டும்

பெண் -> ஒரு நாளுக்கு 8 கிளாஸ்/2லீட்டர்/64 அவுன்ஸ் அருந்தவேண்டும்.

ஏன் நீர் அருந்தவேண்டும் அல்லது நீரின் முக்கியத்துவம் என்ன?

* மிக அத்தியாவசியமான ஊட்டச்சத்தாகும். ஒரு வளர்ந்த மனிதனின் உடல் நிறையில் 60% நீராகும்.

* உடலின் அனைத்து தொழிற்பாட்டுக்கும் சமிபாடு, அகத்துறிஞ்சல் கடத்துதல், உடலின் அனுசேபம் ஆகியவற்றில் முக்கிய பங்காற்றுகிறது.

* உடல் வெப்பநிலையை பேண உதவுகிறது

* நீரில் எந்த சக்தி பெறுமானமும் இல்லை நீரிழப்பால் வரும் தலைவலி, அசதி என்பவற்றை போக்குகிறது.

*சிறுநீரகத்தில் ஏற்படும் தொற்றை குறைப்பதில் உதவுகிறது

* குடல், சிறிநீரகம், சிறுநீர்ப்பை என்பவற்றில் ஏற்படும் புற்றுநோயை குறைக்கிறது. நீரிற்கு அடுத்தபடியாக முக்கியத்துவம் பெறுபவை

2. பழங்களும் மரக்கறிகளும்

ஒரு நாளுக்கு ஒரு சுகதேகி மனிதனால 5 தடவைகள் மரக்கறிகளும், 2-3 தடவைகள் பழங்களும் உள்ளெடுக்கப்படவேண்டும் என அறிவுறுத்தப்படுகிறது.

ஏன் பழங்களையும் மரக்கறிகளை உண்ணவேண்டும்.?

* மிகச்சிறந்த நார்ப்பொருளுக்கான மூலங்களாகும்

* விற்றமின், கனியுப்புக்களுக்கான சிறந்த ஆதாரம்.

* சக்தி பெறுமானம் குறைந்ததும் கொழுப்பற்றவை

* ஒட்சியேற்ற எதிரிகள் (antioxidants) phytochemical ஆகியவற்றை அதிகளவில் கொண்டவை.

* அதிகளவில் உட்கொள்வதால் புற்றுநோய், நிறை அதிகரிப்பு, இதய நோய்கள், ஆஸ்துமா, ஆகியவற்றை குறைப்பதில்/ஏற்படுவதற்கான சாத்தியப்பாட்டை குறைக்கிறன.

3 தானியங்களும், மாபொருள் உள்ள மரக்கறிகளும்

ஏன் முக்கியத்துவமானது?

* கொழுப்பு குறைவானது

* விற்றமின்கள் குறிப்பாக B கூட்ட விற்றமின்கள், விற்றமின் E , கனியுப்புக்களான , இரும்பு, செலனியம், நாகம் என்பவற்றை அதிகள்வில் கொண்டவை.

* ஒட்சியேற்ற எதிரிகள் (antioxidants) phytochemical ஆகியவற்றை அதிகளவில் கொண்டவை. * உடல் நலத்துக்கன உணவை வழங்குகிறது

* பலவேறு வகையாக இருப்பதால் தெரிவுகள் அதிகம்

* புற்றுநோய், இதயநோய், மலச்சிக்கல் என்பன எற்படும் வாய்ப்பு குறைவாகும்

4. அவரை இன உணவுகள்

ஏன் முக்கியத்துவமானவை?

* மிகக்குறைந்த் கொழுபை கொண்டவை

* அதிகளவு புரத்ததை கொண்டவை

* கனியுப்புக்களான நாகம், இரும்பு, செலனியத்தையும், போலிக்கமிலம் எனும் விற்றமினையும் அதிகளவு கொண்டவை

* புற்றுநோய், இதயநோய், மலச்சிக்கல், மன அழுத்தம், நீரிழிவு என்பன எற்படும் வாய்ப்பு குறைவாகும்

அடுத்த படிநிலையில் இருப்பவை வாசனைப்பொருட்களும் பாதகமற்ற கொழுப்பு உணவுகளுமாகும்.

5.1 நல்லின கொழுப்புணவுகள்

நல்லின கொழுப்புணவுகள் எனும் போது அவை தாவர எண்ணெய் வகைகள் குறிப்பக அதிகளவான தனி நிரம்பாத கொழுப்பமிலங்களை (MonoUnsaturated fatty acid), Omega 3 fatty acid ஐ கொண்டவையாகும். இவை உடல் நலனுக்கு உகந்தவை உதாரணமன எண்ணெய் வகை : ஒலிவ், நல்லெணெய், நிலக் கடலை எண்ணெய், சூரியகாந்தி எண்ணெய், சோய எண்ணெய் போன்றவை

*உடலுக்கு சக்தியை வழங்குவதல்

*இதய நோய்கள், தொற்றுக்களில் இருந்து பாதுகாத்தல் , குருதி அழுத்ததை குறைத்தல்

* விற்றமின் அகத்துறுஞ்சல் , ஒட்சியேற்ற எதிரிகளை வழங்கல் குறிப்பக விற்றமின் E

* மன நலம்/ மூளையின் நலனுக்கு அவசியமானவை

5.2 வாசனைப்பொருட்கள் மூலிகைகளும்,

வெங்காயம், லீக்ஸ் போன்றவையும், வாசனைப்பொருட்களும்

முக்கியத்துவம்

* தொற்றுக்களை குறைத்தல்

* குருதிஅழுத்ததை குறைத்தல் போன்றன

6. பாலும் முட்டையும்

முட்டை நாளுக்கு ஒன்று வீதமும் பால் நாளுக்கு 1-3 தரமும் உள்ளெடுக்க வேண்டும் இரண்டும்

* புரதம், விற்றமின்களான A,D,E, K, B12 என்பவற்றை அதிகளவு கொண்டவை

* மனிதருக்கு தேவையான எல்ல ஊட்டச்சத்துக்களையும் வழங்குகின்றன.

அடுத்த வகை உணவுகள் வாரத்தில் சில நாட்கள் உள்ளெடுத்தால் போதுமானது

7. மீனும் கடலுணவுகளும்

வாரத்தில் 2-4 முறை எடுத்தல் போதுமானது. (ஒரு தடவை 4-6 அவுன்ஸ் )

8 இறைச்சிகள்

வாரத்தில் 1-3 முறை எடுக்கவேண்டும்.

9. இவை அத்தியாவசியமான உணவுகள் அல்ல, விரும்பினால் உள்ளெடுக்கலாம்,

மிக குறைந்த அளவில்

சொக்லேட்- அதிகளவு 1 அவுன்ஸ் / நாள்

அற்ககொல் - 1-2 தடவை/ நாள் இது வயது, சுகநலன் என்பவற்றை பொறுத்தது.

ஒரு பரிமாறல் என்பது 300 மில்லி லீடடர் ஆகும்

தேநீர் உடல் நலனுக்கு உகந்த பானமாக கருதப்படுவதால் 2-4 கோப்பைகள் அருந்துவது விரும்பத்தக்கது.

தாவர போசனத்தின சாதக பாதகங்கள்

2005-08-22T02:51:00.000-05:00

உணவானது ஒரு குடித்தொகையின் போசணைத்தேவையை பூர்த்திசெய்யக்கூடியதாக இருப்பதோடு அது அக்குடித்தொகையின் சுகநலன்களை நன்நிலையில் பேணுவதாகவும் இருக்கவேண்டும்.

இன்றைய காலகட்டத்தில் அதிகரித்த உடல் நிறை, நீரிழிவு, என்பவை மிகவும் பாதிப்புதரும் அளவில் உயர்ந்து காணப்படுகிறது. அதேவேளை தாவர பொருட்களை அதிகமாக உட்கொள்வதும் அது சார் வாழ்க்கைமுறையும் உடல் நிறை அதிகரிப்பு உயர் இரத்த அழுத்தம் நீரிழிவு இதய நோய்கள் ஆகியவற்றின் ஆபத்தை குறைக்கும் திறன் வாய்ந்தவையாக நம்பப்படுகிறது.

தாவர போசனத்தின் வகைகள்

எம்மை பொறுத்தவரை சைவம், அசைவம் (மச்சம்) என பெரும்படியாக பிரித்து விடுவோம். எமது எண்ணக்கருவில் தாவர போசனம் என்பது பாலுடன் சேர்ந்த தாவர உணவு உண்போரை குறிக்க பயன்படுகிறது. ஆனால் தற்போதய நவீன பாகுபாடு வேறானது

1. தாவரபோசனம் (veganism)
முழுமையாக தாவர உணவை உண்போர், பால் முட்டையும் உள்ளெடுப்பதில்லை

2. பாலுடனான தாவர போசனம் (Lactovegetarianism)
இறைச்சி, மீன் , முட்டை உண்பதில்லை
3. பால், முட்டையுடனான தாவரபோசனை ( Lacto ovo vegeterianism)
மீன் இறைச்சியை தவிர்ப்போர்.
4. முட்டைய்டனான தாவர போசனம் (Ovo vegeterianism)
மீன் இறைச்சி பால் உள்ளெடுப்பதில்லை

பொதுவாக தாவரபோசணை உள்ளெடுப்போரில் 70% பேர் பால் முட்டையுடனான தாவரபோசணிகளாக உள்ளனர். மிககுறைவாக 10 வீதத்திலும் குறைவானோர் தனி தாவர போசணிகளாவர். இவ்வகையான உணவுபழக்கம் உடல் நலனை பாதிக்க கூடியதாக இருக்கும்.

பொதுவாக தனித்தாவர உணவை மட்டும் உள்ளெடுப்பதால் இரண்டு பிரதான ஊட்டச்சத்து குறைபாடுகள் ஏற்படுவது சாத்தியம் ஆகும். அவையாவன

1. இரும்பு (Iron)
தாவர உணவை மட்டும் உண்போருக்கு போதுமான அளவில் இரும்புசத்து கிடைப்பதில்லை. தாவர உணவுல் ஒப்பீட்டளவில் அதிகளவான இரும்பு காணப்பட்டலும் அது உடலால் இலகுவில் அகத்துறுஞ்ச முடியாத சிக்கல் சேர்வைகளாக காணப்படுகிறது. இதனால் இரும்பு பற்றக்குறை ஏற்படுகிறது. இது அதிகளவில் தாவர உணவை மட்டும் அல்லது தாவர உணவை அதிகமாக உண்போரில் காணப்படிகிறது. இப்பிரச்சனை கர்ப்பிணி பெண்களில் மேலும் அதிகமாக இருக்கும். தாயில் ஏற்படும் இரும்பு பற்றாகுறையானது வளரும் கருவினதும் பிறக்கும் குழந்தையினதும் மூளைவளர்ச்சியை பாதிக்கும்.

2. விற்றமின் வழங்கல் (B12)

தாவர போசனையின் இன்னுமொரு பாதகமான அம்சம் விற்றமின் B12 போதுமான அளவில் கிடைக்காமையாகும். விலங்குணவுகளான பால், முட்டை, இறைச்சி, மீன் என்பவை விற்றமின் B12 ஐ அதிகளவில் கொண்டிருப்பதுடன் இது எந்தவொரு தாவர உணவிலும் காணப்படுவதில்லை என்பது அதன் சிறப்பம்சமாகும். தொடர்ச்சியான தாவர போசணமானது குருதியில் விற்றமின் B12 அளவில் வீழ்ச்சியை ஏற்படுத்துவது அவதானிக்கப்பட்டுள்ளது.
போதுவாக ஈரலில் சேமிப்பாக விற்றமின் B12 காணப்படுகிறது. இச்சேமிப்பனது ஓரளவு நீண்டகாலத்துக்கு போதுமானதாக இருந்தாலும் தொடர்ச்சியாக பால் முட்டை உட்பட எந்த விலங்குணவையும் உள்ளெடுக்கது விடுவது விற்றமின் B12 பற்றக்குறைக்குரிய அறிகுறைகள் , அது சார் நோய்கள் தோன்ற வழிவகுக்கும் . இதன் குறைபாட்டு அறைகுறிகளாக குருதிச்சொகை, இளைப்பு, சோர்வு, என்பவை விழங்குகிறன.இவை விற்றமின் மீள கிடைக்கும் போது இல்லது போககூடியவை.

அதிகரித்த விற்றமின் B12 பற்றக்குறை மைய நரம்புதொகுதியை மீள் முடியாதவாறு பாதிக்குமற்றல் வாய்ந்ததாகையால் தாவர உணவை உள்ளேடுப்போர் விற்றமின் B12 குறைநிரப்பு உணவு உள்ளெடுத்தல் அவசியம்.

அதேநேரம் தாவர போசணையின் பிரதான உணவுகளாக பழங்கள், மரக்கறிகள் விழங்குகிறன.இவை அதிகளவு விற்ற்மின்கள் ஒட்சியேற்ற எதிரிகாளையும் உயிர்தொழிற்பட்டு சேர்வைகளையும் கொண்டிருக்கிறன. இதனால் தாவர உணவை உணபவர்களின் குருதியில் அதிகளவில் விற்றமின் C , B கரோட்டீன் என்பவை பல்வேறு நீடித்த நோய்களான புற்று நோய், இதய குருதிகலனில் ஏற்படும் நோய்களை குறைப்பதில் உதவுகிறன.

A) நார்பொருள் உள்ளெடுத்தல்

நார்பொருள் உள்ளெடுதலானது தாவர போசனை பிரிவினரில் அதிகளவில் காணப்படுகிறது. நீண்ட காலமாக நார் பொருள் உள்ளெடுத்தல் சாதகமானதா பாதகமானதா என்பது விவதத்துகுரியதாக இருக்கிறது. ஆயினும் தறபோது அதன் புற்று நோயைகட்டுப்படுத்தும் சாதகத்தன்மை பெரிதும் மெச்சப்படுகிறது.

தாவர போசணையை திட்டமிடல்

பால், முட்டையுடனான தாவர போசணையானது உடலுக்கு தேவையான அனைத்து உட்டச்சத்துகளையும் வழங்க கூடியதாக இருக்கிறது.

தனித்தாவர உணவு உண்போர் கர்ப்பகாலம், வளரும் பருவம், நோய்வாய்பட்ட நேரங்களில் விற்றமின் B12, இரும்பு சத்துக்கான குறை நிர்ப்பு உணவு உள்ளெடுத்தல் அத்தியாவசியமானது.

இறைச்சி உணவானது மேலே குறிப்பிட்ட நோய்களை குறைத்தலுக்கான காரணியாக கொள்லமுடியாதயினும் உணவு பழக்கத்தை மீள ஒழுங்கு படுத்தல் சீரான் உடற்பயிற்சி, குறைந்த மது, புகையிலை பாவனை என்பன உடல் நலனை பாதுகாப்பதில உதவும்.

புகை பிடிக்கும் அன்பர்களுக்கு....

2005-07-08T04:04:00.000-05:00

புகைபிடித்தல், அதனால் வரும் தீமைகள் ,அதை குறைப்பது பற்றி பலரும் எழுதியுள்ளார்கள். நான் இங்கு சொல்ல வருவது புகை பிடிப்பதால் வரும் தீமைகள் பற்றியோ அல்லது அதை குறைக்கும் வழிவகைகளொ அல்லது அதற்கான காரணங்கள் பற்றியோ அல்ல. பொதுவாகவே புலத்திலும் தாயகத்திலும் உள்ள இளம் சந்ததிக்கு அதன் தீமை பற்றி தெரிந்தே இருக்கிறது.ஆகவே மீண்டும் அதை பற்றி விபரிக்க விரும்பவில்லை.
இங்கு சொல்ல விரும்புவது புகைபிடித்துக் கோண்டிருப்பவர்கள், அதை தவிர்க்க முயன்றும் உடனடியாக தவிர்க்க முடியாது தொடருவோர் தமது உடல் நலனில் அக்கறை இருந்தால் கடைப்பிடிக்க வேண்டிய ஒரு விடயம் மட்டுமே.
புகைபிடிக்கும் போது புகையுடன் சுயாதீன முலிகங்கள் [Free radicles, Eg:- H. , OH. , .CH3] எனப்படும் கூறுகள் தொற்றுவிக்கப்படுகிறன. அவை குருதியோடு எடுத்து செல்லப்பட்டோ அல்லது சுவாசப்பையில் உள்ள கலங்களினது கருவிலுள்ள டி என் ஏ உடன் தாக்கம் புரிந்து விகாரங்களை எற்படுத்தன் மூலம் புற்று நோய் எற்பட காரணமாகிறன.
இவ்வகையான சுயாதீன முலிகங்களை நடுநிலையாக்குவதில் ஒட்சியேற்ற எதிரிகள்[Anti oxidants] எனும் பதார்த்தங்கள் முக்கிய பங்கு வகிக்கிறன.

பொதுவான ஒட்சியேற்ற எதிரிகளாக
1. விற்றமின் சி [Vitamin C ]
2. விற்றமின் ஈ [Vitamin E ]
3. கரோடினொயிட்டுகள் [ Carotenoids]
4. Fபிளெவனோயிட்டுக்கள்.[Flavanoids]

ஆகியவற்றை கூறலாம்.

இவற்றில் விற்றமின் C முக்கியமானது.
ஒரு சாதாரண சுகதேகிக்கு அவரது உடற் தொழிற்பாட்டுக்கு 60-70 mg விற்றமின் C நாளந்தம் தேவைப்படுகிறது.
இந்த அளவு விற்றமின் C ஐ நாளாந்தம் ஒரு தோடம் பழம் சாப்பிடுவதன் மூலம் நிறைவு செய்ய முடியும். அவ்வாறு இல்லவிட்டலும் பலவகையான பழங்கள், மரக்கறி வகைகளை அதன் புதுமை கெட்டாது உண்ணும் போது அத்தேவை நிறைவு செய்யப்படுகிறது.

புகை பிடிப்பவர்களுக்கு அவர்களது உடற் தொழிற்பாட்டு தேவைக்கு மேலதிகமாக புகையுடன் வரும் சுயாதீன மூலிகங்களையும் நடுநிலையாக்க அதிக விற்றமின் C தேவைப்படும்.
புகைபிடிப்பவருக்கு நாள் ஒன்றுக்கு கிட்டத்தட்ட 120 Mg விற்றமின் C தேவையாகும். அவர்கள் ஒரு நாளைக்கு இரண்டு தோடம் பழங்கள் அல்லது அதிக அளவான இலை மரக்கறி பழவகைகளை நாளாந்தம் உண்ணவேண்டும்.
ஆயினும் புகை பிடிப்பவர்களின் உணவு பழக்கம் விரைவு உணவுகள் , அதிகளவில் பரிகரிக்கப்பட்ட உணவுகளாக இருப்பதால் போதுமான அளவு விற்றமின் C கிடைப்பதில்லை. இதனால் அவர்களுக்கு நோய் தாக்கங்கள் ஏற்பட ஏதுவாகிறது.

இதன் மூலம் சொல்ல வருவது என்ன என்றால் உங்கள் உடல் நலனில் அக்கறை இருந்தும் புகைபிடித்தலை விட முடியாத அன்பர்கள் அதிகளவு பழங்களையும் மரக்கறிகளையும் சேர்ப்பதன் மூலம் அவர்களுக்கு ஏறபடும் பாதிப்பை குறைக்கல்லாம் என்பதே. அதற்க்காக இதன் மூலம் உங்களுக்கு வரக்கூடிய பாதிப்புக்கள் இல்லது போய்விட்டது என்று அர்த்தமல்ல!

விற்றமின் C ஐ கொண்ட உணவுகள்

தோடம் பழம்
பிரஸல்ஸ் ஸ்பிரவுட் [Brussels sprouts ]
கிவி பழம்
ஸ்டொபெரி
மாம்பழம்
சமைக்கப்படாத சிவப்பு மற்றும் பச்சை Bell Pepper

வலைப்பதிவாளர்களுக்கு உடல் நலன் சார் எச்சரிக்கை.

2005-06-26T16:09:00.000-05:00

பலவேறு நாடுகளில் இதுவரை வலைப்பதிவாளர் மாநாடுகள் நடைபெற்று முடிந்துள்ளன. அவற்றில் பங்குபற்றியோர் படமும் காட்டியிருந்தனர். அவர்களில் குறிப்பிட்ட சதவிகிதத்தினரது உடல் நிறை அதிகமாக இருக்கும் போல் தோன்றுகிறது.

அவுஸ்திரேலிய மாநாட்டில் கலந்துகொண்டோரில் சுமார் 50% (கலந்துகொண்டதே 2 பேர் தானே)
அமெரிகா ஐக்கிய நாடுகளில் கலந்துகோண்டோரில் கிட்டதிதட்ட 20%
கனடா மாநட்டில் கலந்துகொண்டொரில் 30%
சிங்கபூர், மற்றும் சென்னை மாநாட்டு படங்கள் பார்க்க கிடைக்கவில்லை.

அதிகரித்த உடல் நிறை உடனடியாக பெரிய பிரச்சனையை கொடுக்காவிட்டாலும் காலப்போக்கில் அது பிரச்சனைக்குரியதாக மாறலாம்.
நீரிழிவு
உயர் குருதியழுத்தம்
என்பவை ஏற்பட காரணமாகலாம்.

எனவெ உங்கள் உயரத்துடன் ஒப்பிட்டு உங்கள் நிறை எவ்வாறு இருப்பது விரும்பத்தக்கது என்பதை தெரிந்துகொள்ளுங்கள்.
இதற்காக பயன்படுவது

உடல் திணிவு சுட்டி = உடல் நிறை(kg)/ (உயரம் (m))^2

உதாரணமாக ஒருவருடத்தில் 1000, 000 கிலோகலோரி உணவு உள்ளெடுகிறீர்கள் என வைத்தல். அதில் 1% மான சக்தி உங்கள் உடலில் சேமிக்கப்பட்டால் உங்கள் வருடந்திர நிறை அதிகரிப்பு 1.2-1.7 கிலோகிராம் ஆக இருக்கும். இதேவேகத்தில் போனால் 10 வருடத்தில் 17 கிலோகிராம் நிறைஅதிகரிப்பு உங்கள் உடல் நலனை சீர் குலைக்க போதுமானதாக இருக்கும்.

ஆகவே அனைத்துவலைப்பதிவாளர்களும் தமது உடல் நலனில் அக்கறை எடுத்துகொள்ளுமாறு வேண்டப்படுகிறீர்கள்.

குறிப்பு:
முதலில் இட்ட பதிவு காணமல் போய்விட்டதால் மீள இடப்படுகிறது

காட்டு முயல் பார்த்தீர்களா

2005-05-07T04:00:00.000-05:00

இதில் பாருங்கள் மூன்று முயல்கள் புல் மேய்ந்து கொண்டிருக்கிறன. நம்ம ஊரிலும் இவ்வாறான முயல்கள் இருக்கிறன. ஆனால் மனிதருடைய அசுமாத்தம் கண்டதும் பாய்ந்தோடி ஒளித்துவிடும். நம்ம ஆக்களும் விடுவாங்களா கொட்டனும் வேட்டைநாயுமாக திரிந்து முயல் வேட்டை ஆடுவதில் வீரர்கள். அதனால் தான் போலும் அவை சிறு அசுமாத்தம் கண்டதும் ஓடி ஒளிக்கிறன. ஆனால் இங்கு நாமிருக்கும் பகுதியில் தெருக்கரையோரம் சாதாரணமாக இருக்கும். மனித காலடி ஓசையை கேட்டு ஓடுவதில்லை. அதாவது இங்கு யாரும் அவற்றிற்கு தீங்கு செய்வதில்லை என நினைக்கிறேன்.ஏன் நாங்கள் மட்டும் நமது இயற்கை வளத்தை கவனமற்று அழிக்க முற்படுகிறோம்?நம்ம மக்களுக்கு சூழலியல் விழிப்ர்ணர்ச்சி போதாதா?
ஆனால் இதே காட்டு முயல்கள் அளவுக்கதிகமாக பெருகி அவற்றினால் ஏற்பட்ட பிரச்சனை காரணமாக அவற்றை கட்டுப்படுத்த அவுஸ்திரேலியாவில் முயன்றதாக இணையத்தில் கட்டுரைகள் இருக்கிறன.

புது வருட வாழ்த்துக்கள்.......................

2005-04-12T15:24:00.000-05:00

வலைபதிவாளர்களுக்கும் வணக்கம்.

2005-04-08T17:32:00.000-05:00

என்னடா இவன் ஆறுக்கு மேல் வலைப்பதிவுகளை செய்த பின் வணக்கம் சொல்கிறானே என யோசிக்கலாம். அண்மையில் (நேற்று தான்) வன்னியனது முதல் வலைப்பதிவையும் மற்றும் ஒருவரது முதற் பதிவையும் பார்த்தபின் தான் நமது மரமண்டையில் பொறி தட்டியது யாருக்கும் வணக்கம் சொல்லாது ,நம்மை அறிமுகப்படுத்தாது களத்தில் இறங்கிவிட்டோம் என்று. சிலவேளை நமது ஆர்வகோளறு தான் காரணமோ என்னவோ?

தண்ணீர் தண்ணீர்......... சில தீர்வுகள்

2005-03-23T15:59:00.000-06:00

நீர் வளபாதுகாப்பு பற்றிய நேற்றைய பதிவில் காணப்படு;ம் சில பிரச்சனைகளுக்கான சாத்தியமான தீர்வுகள்.

தீர்வு என்று வரும் போது ஏற்கனவே வேறு நாடுகளில் பயன் படுத்தப்பட்டவற்றை அப்படியே இது இதற்கு தீர்வு என கூறமுடியாது.

பல இடங்களிலும் பயன்படுத்தப்படும் முறைகளை ஆராய்ந்து எமது சூழலுக்கு, வாழ்க்கை முறைக்கு, பொருளாதார வசதிகளுக்கு ஏற்ப மாற்றங்களை செய்வது அவசியமாகும்.

எமது நோக்கம் பலரது கவனத்தையும் ஈர்க்காத ஆனால் முக்கியமான பிரச்சனைகளை கவனத்துக்கு கொண்டுவருவதே.

சில சாத்தியப்படக்கூடிய தீர்வுகள்
உரப்பாவனையை முற்றாக குறைக்கமுடியாது.

ஆனால் சில செயன்முறைகளை பின் பற்றி நைத்திரேற்றாக்கத்தை குறைக்கமுடியும்.

1.ரார் பூச்சிட்ட யூரியா [Tar coated urea]இது நமது நாட்டில் கிடைப்பது அரிது. இதன் பயன் உரம் உடனடியாக கரைவதை குறைத்து சிறிது சிறிதாக[Slow releasing] மண்ணுக்கு இழக்கப்படுவதால் தாவரம் அதனை உடனடியாக பயன்படுத்திவிடும்.

இதற்கு பிரதியீடாக...இலங்கையில்

2.வேப்பம் பிண்ணாக்குடன் கலந்து உரமிடுதல் பயனளிக்கும் என கண்டறியப்பட்டது. ஆனால் மக்கள் பாவனைக்கு வரவில்லை. வேப்பம் பிண்ணாக்கில் காணப்படும் இரசாயனப் பொருட்கள் நைத்திரேற்றாக்கும் நுண்ணங்கி செயற்பாட்டை நிரோதிப்பதால் உரம் நீரில் கழுவிசெல்லப்படுவது குறையும்.

3.ஒரே தடவையில் முழு உரத்தையும் இடாமல் சிபாரிசு செய்யப்பட்ட அளவை சிறிது சிறிதாக பிரித்து [split application]சிறிய கால இடைவெளிகளில் இடல் .இதனை தாவரங்கள் வினைத்திறனாக அகத்துறுஞ்சுவதால் இழப்பு மாசாக்கம் என்பவை தடுக்கப்படும்.

மலசலகூட கழிவுகளுக்கு.

1.நிலக்கீழ் வடிகாலமைப்பு மூலம் சேகரித்து தொழில் ரீதியான சுத்திகரிப்பு தற்போது சாத்தியமற்றது.[Drainage and Sewage treatment plants]

2.மலசலகூட குழிகளின் அனைத்து புற சுவர்களையும் அடித்தளம் உட்பட நீர் ஊடுபுகமுடியாதவறு அமைத்தல் ஆனால் அடிக்கடி கழிவகற்றும் தங்கிகள் முலம் அகற்றவேண்டியிருக்கும்.

3.குழிகளில் பிரிவுகளை ஏற்படுத்தி முதலில் உள்ள சேகரிப்பு தாங்கியை மட்டும் நீர் ஊடுபுகமுடியாததாகவும் அது நீரல் நிரம்பி வடிந்து செல்வதற்கு அடுத்தநிலையில் உள்ள குழிகளை நீர் ஊடுபுககூடியதாகவும் அமைத்தல். இதன் மூலம் உடனடியாக கலப்பு ஏற்படும் சாத்தியம் இல்லது போவதுடன். முதல் குழியில் நொதித்லுக்கு உட்படும் போது பாதகமாக நுண்ணங்கிகள் இறந்துவிடும்.

4.குறிப்பிட்ட தூரக்கணக்கு நகரங்களுக்கு சரிவருமா? ஓருவீட்டின் கிணறும் மலசலகூடமும் 30 அடி தூரத்திலிருக்கும். ஆனால் அடுத்தவீட்டு குழி முதல் வீட்டின் கிணற்றுக்கருகில் இருக்கும். பின் எவ்வாறு தூர அளவை பேணுவது. அத்தோடு நிலத்தடி நீர் நிலையாக நிற்பதில்லை ஒரு இடத்தில் நீரகற்றப்பட அதை நிரப்ப சூழ உள்ள அனைத்து இடங்களிலிருந்தும் ஓடத்தொடங்கும். ஆகவே கலக்கமுடியதென்று கூறமுடியாது. ஆனால் குறைக்கமுடியும்.

யாழ்குடாவின் தீவகம் உட்பட ஏனையபகுதிகளிலும் கூரையில் விழும் மழைநீரை சேகரித்து பயன் பெறுவதற்கு தொட்டிகள் அமைத்து கொடுக்க நடவடிக்கை எடுக்கப்பட்டது.ஆனால் அதன் வெற்றி மக்களின் அக்கறையிலேயே தங்கியுள்ளது.

தண்ணீர் தண்ணீர்...........

2005-03-22T16:09:00.000-06:00

இப்படி ஒரு தொடர் கவிதை எப்போதோ வசித்த ஞாபகம். நிச்சயமாக இது கவிதயல்ல.

உலக தண்ணீர் தினமான இன்று தண்ணீர் பற்றிய ஒரு பார்வை.

தண்ணீருக்கான தேவை அதாவது தரமான குடி நீருக்கான தேவை நாளாந்தம் அதிகரித்து வருகிறது. நன்னீராதாரங்கள் பரப்பளவில் வேகமாக குறைந்துவருகிறன. அத்துடன் இருப்பவையும் மாசாக்கத்துக்குள்ளாகிவருகிறன.

எம் தாயகத்தில் இருக்கும் நன்னீராதாரங்கள் மாசக்கமடைந்துவருவதும் பரப்பளவில் குறைவடைந்துவருவதும் மிகவும் கவலைக்குரியது. இதைபற்றி யாரும் கவலைப்படுவதில்லை. பத்திரிகைகளில் இடையிடையே கட்டுரை வரும் அத்துடன் அதன் கதை முடிந்துவிடும்.

கேள்விக்குள்ளாகும் நிலத்தடி நீர் வளம்.

1. அதிகரித்த நீர் பாவனையால் வருடாந்தம் பெய்யும் மழை நீர் நிலத்திலிருந்து வெளியேற்றப்பட்ட நீரை மீள் நிரப்பமுடியாமை. இதற்கு முக்கிய காரணம் நிலத்தடி நீர் சமநிலையை பேணுவதற்காh முன்னோரால் ஆங்காங்கு அடைக்கப்பட்ட சிறிய குளங்கள் [யாழ்பாணத்து குளங்கள்] கைவிடப்படல் தூர்வாரப்படாமை. மழைநீர் தேங்கி நிலத்தின் கீழ் வடிந்து செல்லாமல் கடலை வீணே சென்றடைகிறது. மழை நீர் குளங்களில் தேக்கப்படும் போது அது சிறுக சிறுக வடிந்து சென்று நிலத்தடி நீர்ச்சமநிலையை பேணுகிறது.
வன்னி பெருநில வாழ்பனுபவம் கொண்டவர்களுக்கு இது புரியும் பெருங்குளங்களில் நீர்வற்றி வாய்க்கால் வரண்டால் சில இடங்களில் கிணறு வெறுமையாகிவிடும்.
வவுனியாவில் ஆங்காங்கு காணப்படும் குளங்களை நிரவி வீடமைத்து வருவதால் நீர்த்தட்டுபாடு ஏற்படுவாதாக பத்திரிகைகளில் செய்தி வந்திருந்தது.

2. உவர் நீர் ஊடுருவல். இதை யாழ்குடாநாட்டை வாழ்விடாக கொண்டவர்களில் யாரேனும் கண்டு அனுபவித்திருக்க முடியும். அதிகரித்த நீர் பாவனை காரணமாக அடித்தளத்திலுள்ள உவர் நீர் மேலெழல். ஆரம்பத்தில் நன்னீராக இருந்த கிணறுகள் பல இன்று உவர் நீராக மாறியுள்ளன.

இதைபற்றிய வேறு ஒரு பதிவு....

3. மலசலகூட கழிவுகள் நிலத்தடி நீருடன் கலக்கும் சாத்தியம். மாரிகாலத்தில் நீர் மட்டம் பலஅடி மேலெழும் போது இரண்டும் கலக்க முடியும்.

4. நிலத்தில் கொட்டப்படும் இரசாயன உலோக பொருட்கள் மழை நீருடன் கலந்து நிரத்தடி நீரை மாசாக்கும் சாத்தியம்

5. விவசாயத்தில் பாவிக்கப்படும் உரத்தில் காணப்படும் அமோனியா யுரியா போன்றவை நைத்திரேற்றாக்கத்துக்குட்படும். இவை மண் துணிக்கைகளால் பற்றி வைத்திருக்கப்பட முடியாதவை. மண்ணும் நைத்தரேற்றுக்களும் எதிரேற்றமுடையவை. இதனால் இலகுவில் கழுவிச்செல்லப்பட்டு நிலத்தடி நீரை அடைகிறது. இவ்வாறு மாசாக்கமடைந்த நீரை அருந்துவதால் புற்று நோய் பிறக்கும், குழந்தைகள் நீலக்குழந்தை நோய்க்கு உட்படல் ஆகிய பிரச்சனைகள் ஏற்படலாம்.

இதை தீர்க்க.. ... .. ..

தற்போது மழைநீர் சேகரிப்பு முறைகள் பற்றி அறிமுகப்படுத்தப்படுகிறது.
அத்துடன் சிக்கனமாக நீர்பாசன முறைகளை விவசாயத்தில் பயன்படுத்தல்.
குளங்களின் புனருத்தாரணம்
மhசாக்கும் கழிவுகள் பற்றிய கவனம் என்பவை மிகமுக்கியமானது. இதை பற்றி நாமனைவரும் சிந்தித்தால் நம் தாயகத்தை வளப்படுத்தலாம்.

வேயிலினருமை

2005-03-15T16:06:00.000-06:00

இன்று நாம இருக்கும் நாட்டில குறிப்பாக எமது பகுதில உள்ளவர்கள் புல்வெளிகளில் இருந்து ஆடி பாடி மகிழ்ச்சியாக கும்மாழமிட்டர்கள் .என்னடா விசேடம் என்று சிந்தித்த பொது தான் மண்டையில் உறைத்தது. இன்று சூரியன் நன்கு பிரகாசமாக காட்சி தந்ததோடு வெப்பநிலையும் 15 டிகிரி செல்சியசுக்கு கிட்ட வந்துவிட்தென்பது. வேயிலினருமை அவர்களுக்கு தெரிகிறது.

உயிர் பல்வகைமை பேணல் 1.மா வருக்கங்கள்

2005-03-14T14:06:00.000-06:00

நாட்டு மா வருக்கங்களை காப்போம்

உயிர் பல்வகைமை எனும் பதத்தை கேள்விப்பட்டிருப்பீர்கள.; சாதாரணமாக சொல்வதானால் ஒரு குறிப்பிட்ட அலகு பரப்பில் காணப்படும் வேறுபட்ட அங்கிகளின் எண்ணிக்கை அல்லது வீச்சு எனலாம். இதை உதாரணம் முலம் பார்ப்போம்ஒரு சிறிய பராமரிப்பற்ற காணியை எடுத்து கொள்ளுங்கள். அங்கு வேறுபட்ட புற்கள் கொடிகள் செடிகள் பல்வேறு மரங்கள் சிறு விலங்குகள் என காணப்படமுடியும்.ஆனால் ஒரு தேயிலைப் பெருந்தோட்டத்தில் தேயிலையை தவிர பிற மரங்களை காணபது அரிது. அதாவது அங்கு உயிரியல் பல்வகைமை அரிது எனலாம். இப்பல்வகைமையானது குறிப்பிட்ட ஒரு இனத்துக்குள்ளும் காணப்படமுடியும். ஊதாரணமாக மனிதரிடையே ஆபிரிக்கர் தென்னாசியர் அரபியர் சீனர் என வேறுபடுவது போல்.
நாம் இங்கு இப்பத்தியில் எடுத்தாள விரும்புவது மா இனத்தில் காணப்படும் இன பல்வகைமை பற்றியும் அதன் அழிவுக்குள்ளாகிவரும் ஆதியான வருக்கங்கள் பற்றியுமாகும்.
நமக்கு தெரிந்த பயிர் செய்கையில் நாட்டப்படும் மா இனங்கள்

1.கறுத்த கொழும்பான்
2.வெள்ளைக் கொழும்பான்
3.விலாட்டு
4.அம்பலவி [கிளி சொண்டன் மற்றும் சாதாரண அம்பலவி என இரண்டு]
5.செம்பாட்டான்
6.சேலம்
7.பாண்டி
8.களைகட்டி
9.பச்சதின்னி
10.கொடி மா [ஊருக்கு புதியது தற்போது சில வீடுகளில் உண்டு சரியான பெயர் தெரியாது]
11.மத்தள காய்ச்சி [இதன் சரியான பெயர் தெரியாது நமது காணியில் இரண்டு நின்றது பெரிய காய் ஆனால் நார் அதிகம். இப்போது இரண்டும் தறித்தாகிவிட்டது.]

[இதில் சொல்லப்பட்டவை தமிழீழத்தில் ,இலங்கையில் காணப்படுபவை ]

இவற்றை விட நாட்டு மா என சொல்லப்படும் புளி மாக்கள் பல உண்டு
நாம் சிறுவனாய் இருந்த காலத்தில் ஆறுக்கு மேற் பட்ட புளி மாக்கள் நமது காணியில் நின்றன. அவற்றிற்கு நாம் வழங்கிய பெயர்கள்
வட்டக்காய்ச்சி
கட்டை மா
கறி மா [இதன் காய் தனியே மாங்காயில் கறிவைக்க நல்ல ருசி]
பெயரிடாத ஏனையவை 3.
தற்போது எஞ்சியுள்ளது மூன்று மட்டுமே.
இதே போல நம்மூரில் பலரது காணிகளில் பல தனித்துவமான நாட்டு புளி மாக்கள் இருந்தன. இப்போது பார்த்தல் ஊரில் விரல்விட்டு எண்ணக்கூடிய புளி மாக்களைத்தான் காணலாம்.புளிமாக்களின் காய்கள் கறிக்கும் சொதிக்கும் போடுவதோடு சரி. ஆனால் அவற்றின் விதைகளில் இருந்து பெறப்படும் நாற்றுக்கள் நல்ல வருக்கங்களை ஒட்டுவதற்கு ஒட்டுகட்டைகளாக பயன்படுத்துவார்கள். அதைவிட பெரிதாக பொருளாதார முக்கியத்துவம் அற்றிருப்பினும் உயிரியல் ரீதியில் முக்கியமானவை. அவை சூழலுக்கு வார்த்தகரீதியான வருக்கங்களிலும் அதிக இயைபாக்கமுடையவை. அவற்றின் இயலபுகள் பற்றி எவ்வித ஆர்வமும் எடுக்கப்படுவதில்லை. அவை காலப்போக்கில் முற்றாக அழிக்கப்பட்டுவிடும் என்பதில் பெரிதாக ஐயமில்லை. அவை அழிக்கப்படுவதனால் உயிர்சூழலில் மீளப்பெறமுடியாத வகையில் பாரம்பரை [ஜீன்கள் ]அலகுகள் இழக்கப்படுகிறன.அவற்றை பேண நடவடிக்கைகள் எடுக்கப்பட வேண்டும். ஆனால் தனியாருடைய காணியில் அவற்றை பேணுவது கடினம். வட்டக்கச்சியில் [விவசாய கண்கட்சி நடந்த பண்ணை யில் என நினைக்கிறேன்] நல்லின மாக்களுக்கு ஒட்டு கிளைகள் பெறுவதற்கு ஒரு பண்ணை போல நாட்டு மாவருக்கங்களை பேணுவதற்கும் ஒரு பண்ணை அமைத்து தாயகத்தின் பல்வேறு பகுதிகளிலும் காணப்படும் நாட்டு மா வருக்கங்களை பேணவேண்டும்.இதை முளைய முதலுரு பாதுகாப்பு என்பர் [Germplasm conservation].
அதே போல பல தாவர இனங்கள் அருகிவருகிறன. அவற்றை அடையாளங்கண்டு பேணமுயற்சிப்பது அவசியம்.
நாம சின்ன பையனா இருந்த போது:
நறுவிலி இதன் பழத்தை சாப்பிட்டால் சொண்டு ஒட்டும் அத்துடன் அதிக தாகமெடுக்கும். ஊரில் ஓருமரம் இருந்தது தற்போது இருக்கோ இல்லையோ.
அதே போல கருநாவல் என்று பிஞ்சில் சிவப்பாக தண்ணி பிடிப்பான விதையுடனும் இருக்கும். பழம் நாவல் பழ நிறத்தில் தடித்த விதையுடன் கணப்படும் அரிவரி முடிஞ்சு வரேக்கை அதை பிடுங்கி சாப்பிட அடிபாடு வரும் இப்ப அந்த மரத்தை காணகிடைப்பதில்ல.

ஆகவே நம்ம நாட்டில இருக்கிற தாவர வருக்கங்களை பேண நடவடிக்கை எடுப்பது அத்தியவசியமானது.

செவ்விளநீர் -விஞ்ஞானம், வர்த்தகம்

2005-03-11T16:31:00.000-06:00

செவ்விளநீர் பற்றி உங்களுக்கு என்ன தெரியும்?

நிறம் - செவ்விளநீர் நிறம் என்று ஒரு நிறத்தை சுட்டுவோம்
வருத்தத்துக்க குடிப்பது......
கோயிலுக்கு அபிசேகம் செய்ய...........
நாம் குடிக்கிறோமோ இல்லையோ கோயிலுக்கு தப்பம தேடி கொடுப்போம்.

இதன் ஆங்கில பெயர் King Coconut
தாவரவியற் பெயர் Cocos nucifera Var. aurantiaca
இது இலங்கைக்கு தனித்துவமானது. ஆதாவது இலங்கையில் மட்டும் சிறப்காக காணப்படுகிறது.

தற்போதய உலகில் செயற்கை குளிர் பாகங்களின் நிறப்பொருட்கள் இரசாயன சேர்க்கைகள் காரணமாக இயற்கை குடிபானங்கள் பற்றிய விழிப்புணர்வு ஏற்பட்டுவரும் சூழ்நிலையில் செவ்விளநீர் பற்றி பார்ப்பது பொருத்தமானது என கருதுகிறேன்.

குரும்பை பிடித்ததிலிருந்து 6-8 மாத பருவமுடைய இளம் பருவம் இளநீர் பருவமாகும.;
இளநீரின் போசணை பெறுமதி

நீர் 95.5%
புரதம் 0.1%
கோழுப்பு 0.1%
கனியுப்புகள் 0.4%
காபோவைதரேற்றுகள் 4.0%

அத்துடன் இளநீரில் காணப்படும் சில சுயாதீன அமினோ அமிலங்களின் அளவு பசுப்பாலில் காணப்படுவதிலும் அதிகமாகும். அத்துடன் விற்றமின் சி விற்றமின் பி கூட்டம் என்பனவும் குறிப்பிடத்தக்க அளவில் காணப்படுகிறது.

பயன்கள்
இளநீர் இயற்கையாகவே கிருமி தொற்று அற்று இருப்பதால் குளுக்கோசு கரைசலுக்கு பதிலாக நோயாளிகளுக்கு செலுத்த முடியுமாம். அவ்வாறு இரண்டாம் உலக யுத்த காலத்தில் பயன்பட்டதாக கூறப்படுகிறது.

குடலில் காணப்படும் குடற் புழக்கள் வயிற்றோட்டம் என்பவற்றுக்கு நிவாரணமாக

வாந்தியை கட்டுப்படுத்த

அம்மை நோய்களின் வீரியம் அல்லது அதன் தாக்கத்தை குறைக்க

இதில் பொட்டாசியம் அதிகளவு காணப்படுவதால் சிறுநீர் போக்கு அதிகரிக்கும்.

சிறுநீரகத்தில் ஏற்படும் கனியுப்பு நஞ்சாக்கத்தை குறைத்தல்

குழந்தைகள் நோயாளிகளுக்கான ஊட்ட பானமாகும்

முட்டை வெண்கருவுடன் கலந்து செயற்கை முறை சினைப்படுத்தலுக்கான விந்து ஐதாக்கியாக.

தாவர ஓமொன்கள் காணப்படுவதால் இழையவளர்ப்பு ஊடகத்திற்கு

நொதிக்கப்பட்ட இளநீரிலிருந்து நேரா டீ கொகோ எனும்

நொதித்தலுக்குட்படுத்தப்பட்ட குடி பானம் தயாரிப்பு.
தகரத்திலடைத்த இளநீர்

இலங்கையிலிருந்து பல்லாயிரக்கணக்கான இளநீர் வருடாந்தம் ஏற்றுமதியாகிறது.

எமது புலத்தமிழர்கள் பல்வேறு தொழில் முயற்சியிலும் ஈடுபடுகிறனர். அவர்கள் செவ்விளநீர் ஏற்று மதியிலும் ஈடுபடலாமே.
இங்கு செவ்விளநீர் ஏற்றுமதி என்பது தகரத்திலடைத்ததை அல்ல முழமையான இளநீரையே சுட்டுகிறேன்
ஏற்றுமதி செய்வதற்கு அதற்கான தொழில்நுட்பத்தை பயன் படுத்துவது அத்தியாவசியமானது.
சரியான பருவத்தில் பிடுங்குதல் அல்லது அறுவடை செய்தல்.
சரியான முறையில் பரிகரிப்புக்குட்படுத்தல் அதாவது இளநீரின் தோல் நீரிழப்பால் சுருக்கமடையாது இருக்க தகுந்த பதுகாப்பு செய்தல்- மெழுகுப் பூச்சிடல் பொலிதீன் சுருளிடல் போன்றவை.
போதியிடல்.
தகுந்த வெப்பநிலை ஈரப்பதன் என்பவற்றை கொள்கலனில் பேணூதல்

என்பவை மிகமுக்கியமானவை.

மெழுகு பூச்சு புலத்தில் மரவள்ளி கிழங்கு வேண்டியோருக்கு தெரிந்திருக்கும். இதுகும் அது பொனறது. ஆனால் இளநீருக்கு தனித்துவமாது.

இவற்றிகுரிய தனித்துவமான தகவல்களை அதாவது வெப்பநிலை மெழுகு கலவை போன்றவற்றை பகிர்ந்து கொள்ளமுடியாது.

இதைபற்றி இலங்கையில் உள்ள ஒரு ஆராய்ச்சி நிறுவனம் ஆராய்ச்சிகளை மேற்கொண்டு வருகிறது. அங்கிருந்து பெற்றுக்கொள்ளமுடியும்.

மேலை நாடுகளில் செயற்கையில் களைத்து இயற்கையை நாட எம் தாயகத்தில் இயற்கையை புறந்தள்ளி கோலாக்களில் முழ்கிகோண்டிருக்கிறோம்.

பனி.....

2005-03-09T15:28:00.000-06:00

இம்முறை பனிவிழுந்தபோது எடுத்தது.....

பாவிக்கப்பட்ட மின்கலங்களால் சூழல் மாசாக்கம்

2005-03-07T16:30:00.000-06:00

ஐரொப்பா மற்றும் வளர்ந்த நாடுகளில் காணப்படும் தரப்படுத்தி கழிவு சேகரிப்பு முறையைப் பார்த்தபோது எனது சிந்தனைக்கு எமது தாயகத்தில் பாவிக்கபட்ட மின்கலங்களை வீட்டு குப்பை கிடங்கில் எறிவதும் மனகண்ணில் நிழலாடியது.
இதை எழுதவும் துண்டியது.

பல்வேறுபட்ட மின்கலங்கள் பற்றி மேலோட்டமான ஒரு பார்வை
1. மூல மின்கலங்கள்
கொண்டுள்ள இரசாயனங்கள்
துத்த நாகம் ,மங்கனீரொட்சைட்டு, பொட்டாசியம் அல்லது சோடியம்ஐதரொட்சைட்டு

2. காபன் துத்த நாக மின்கலங்கள்
கொண்டுள்ள இரசாயனங்கள்
துத்த நாகம் . மங்கனீசு, அமோனியம் குளொரைட்டு, துத்த நாக குளொரைட்டு

3. ஈய அமில மின்கலம்
கொண்டுள்ள இரசாயனங்கள்
ஈயம், ஈயவீரோட்சைட், சல்பூரிக்கமிலம்

4. இலிதியம் மின்கலங்கள்
கொண்டுள்ள இரசாயனங்கள்
இலிதியம்-மங்கனீர்ஈரொட்சைட்டு, இலிதியம் சல்பரீரொட்சைட்,
தயோனைல் குளொரைட்ää இலிதியம்

5. மக்னீசிய மின்கலங்கள்
கொண்டுள்ள இரசாயனங்கள்
மக்னீசியம், மக்னீசியம் புரொமைட், அல்லது மக்னீசியம்
பேகுளோரைட்

6. பாதரச மின்கலங்கள்
கொண்டுள்ள இரசாயனங்கள்
பாதரசம், பாதரசஈரோட்சைட், பொட்டாசியம் ஐதரொட்சைட்

7. வெள்ளி மின்கலம்
கொண்டுள்ள இரசாயனங்கள்
நாகம் , வெள்ளி குளொரைட் இலிதியம் அல்லது துத்தநாக
குளொரைட், துத்தநாக சல்பைட்

8. நிக்கல்-கட்மிய மின்கலங்கள்
கொண்டுள்ள இரசாயனங்கள்
கட்மியம், நிக்கல் ஒட்சிஐதரோட்சைட், பொட்டாசியம்
ஐதரொட்சைட்

9. வெப்ப மின்கலங்கள்
கொண்டுள்ள இரசாயனங்கள்
கல்சியம், கல்சியம் குரொமேற், இலிதியம் குளொரைட், பொட்டாசியம் குளொரைட்

இம்மின்கலவகைகளில் பாதஇரசமின்கலங்கள் தற்போது பாவனையிலரிது.
தாயகத்தில் அதிகம் பாவனையிலுள்ளது காபன் துத்த நாக மின்கலங்கள் ,ஈய அமில மின்கலம் ஆகியவையாகும்.

இவை ஆங்காங்கு தரையில் வீசப்பட்டு கிடப்பது சாதாரணம். ஆதைவிட மண் வீடுகளில் சாணியுடன் காபன் துத்த நாக மின்கலங்களை உடைத்து பெறும் கரியை கலந்து கறுப்பு நிறத்துக்காக மெழுகுவார்கள்.
அமிலமின்கலத்தை வெட்டிதிறந்து அமிலத்தை தரையிலுற்றிவிட்டு , ஈயகழிவுகளையும் வீசிஎறிந்து விட்டு கோது துவிசக்கரவண்டித்திருத்தகங்களில் காற்று ஒழுக்கு சோதிக்க பயன்படும்.

இதன் பாதிப்பை அளவிட ஒரு சிறு கணிப்பு

உதாரணத்துக்கு யாழ்குடாநாட்டில் அனைத்து இடப்பெயாவுக்கும் முன்
10 இலட்சம் பேர் இருந்தார்கள் என கொள்வோம்
ஒரு குடும்பம் சராசரி 4 உறுப்பினர்களாலானது என வைத்தால்
250000 குடும்பங்கள்
இவற்றில் பாதி எண்ணிக்கையான குடும்பங்களே மின்கலத்தை பாவிப்பதாக கொண்டால் 125000
ஒவ்வொரு குடும்பமும் இரண்டு மாதத்துக்கு ஒருசொடி மின்கலங்கள் வீதம் பவித்தால்
இரண்டு மதத்தில் 125000 சோடி மின்கலங்கள் தரைக்கு பொகபோகிறது.

ஓருவருடத்தில் கணக்கு பாருங்கள்.

அதைவிட பாதை திறந்தபின் ஒருவாரமும் பாவனைக்கு தாக்கு பிடிக்காத மலிவு மின்கலங்கள் குடாநாட்டை ஆக்கிரமித்தது வேறுகதை.

பாதிப்புகள்
இவ்விரசாயன கூறுகள் மண்ணை மசாக்கம் செய்யலாம்
மழை நீரில் கழுவி செல்லப்பட்டு நீர்நிலைகள் மாசாக்கம்
நிலத்தடி நீர்வள மாசாக்கம்
உணவுசங்கிலியுடு கடத்தபட்டு உயர்விலங்களை பாதிக்கலாம்

குடாநாடின் நில்தடி நீர்வளம்
உவர் நீர் உட்புகல்
விவசாய செய்கையால் நைத்திரேற்று மாசாக்கம்
மலசலகூட குழிகளால் மாசாக்கம் அடைவது ஏற்கனவே நிருபிக்க பட்டது.

மின்கலமாசாக்கம் இன்னும் யாரது கவனத்துக்கும் வரவில்லை.
மின்கல பாவனையை கட்டுபடுத்த முடியாது ஆனால் கண்டபடி வீசியெறியாது விழிப்புணர்வு ஏற்படுத்தலாம்.

போருக்குள் அல்லது இப்போது இது சாத்தியமல்ல என கூறலாம். ஆனால் தாயகத்திற்கான எதிர்கால திட்டமிடலில் இது பற்றி கவனம் செலுத்தலாமில்லயா?

கொள்ளை கொள்ள எண்ணமில்லை

2005-03-06T16:57:00.000-06:00

காதலை கற்பனை எனவில்லை....
காதலிக்கும். எண்ணமில்லை...
கல்லூரி நட்பு
காலமெல்லாம் தொடர எண்ணி
காத்திரமாய் பழகியதை - தப்பர்த்தம் கொள்ளாதே.....

மங்கையுன் மனதை
மாற்றவும் எண்ணவில்ல
மதிமயக்கி
கொள்ளை கொள்ள எண்ணமில்லை

உன் நட்பு தொடர்ந்தாலே...
ஆனந்தம் என்வசம்.
எப்போதும்......

[நட்பு காதலானதாக சொன்ன தோழிக்கு பதில்]

சேயற்படு உணவுகள் [Functional foods]

2005-03-06T04:34:00.000-06:00

சேயற்படு உணவுகள்

சேயற்படு உணவுகள் எனப்படுபவை திருப்தி தரக்கூடிய வகையில் உடலின் ஒனறுக்கு மேற்பட்ட செயற்பாடுகளில் செல்வாக்கு செலுத்துவதுடன் தமது போசணை செயற்பாடுகளுக் மேலதிகமாக உடல் சுகநலத்தை மேம்படுத்துவதுடன் நோய் ஏற்படும் வாய்ப்பை குறைப்பவையுமாகும். இவை சாதாரண உணவு வகையிலிருந்து மாறுபடாதிருப்பதுடன் சாதாரணமாக உள்ளெடுக்கப்படும் அளவிலேயே தகுந்த விளைவை கொடுப்பவையாக இருக்க வேண்டும்.
சேயற்படு உணவின் ஆக்க கூறுகள்
1. நுண் உயிரிகள்
உ-ம் இலத்திரிக்கமில பகர{ரியா.
கிடைக்கும் சுக நலன்கள்
-- குடல்களில் காணப்படும் நுண்ணங்கிகளின் செயற்பாட்டை ஊக்குவித்தல்
- வயிற்றோட்டம் மலசிக்கலை குறைத்தல்
- நோயெதிர்புத்திறனை கூட்டுதல் அல்லது உறுதிபடுத்தல்
- கோலஸ்திரோல் அளவை குறைத்தல்
- குத புற்று நோய் மற்றும் நோய் விளைவிக்கும் நுண்ணங்கிகளை குறைத்தல்
கொண்டுள்ள உணவுகள்
- தயிர்-
மோர்-
யோகட்
2. நார் பொருட்கள், சமிபாடடையாத பல் சக்கரைட்டுகள்.
உ-ம் ஒலிகோ சக்கரைடடுகள் பெக்ரின்
கிடைக்கும் சுக நலன்கள்
- குடல்களில் காணப்படும் நுண்ணங்கிகளின் செயற்பாட்டை ஊக்குவித்தல்
- வயிற்றோட்டம் மலசிக்கலை குறைத்தல்
- நோயெதிர்புத்திறனை கூட்டுதல் அல்லது உறுதிபடுத்தல்
- கோலஸ்திரோல் அளவை குறைத்தல்- குத புற்று நோய் மற்றும் நோய் விளைவிக்கும் நுண்ணங்கிகளை குறைத்தல்
- கல்சியம் மக்னீசியம் குடலில் அகத்துறுஞ்சபடுவதை அதிகரித்தல் ஒஸ்ரியோபொறோசிசை குறைத்தல்ஸ
கொண்டுள்ள உணவுகள்
- மரக்கறி பழவகைகள்
3. விற்றமின்கள்
உ-ம் போலிக்கமிலம் விற்றமின் பி6 ,பி12, டி, கெ
கிடைக்கும் சுக நலன்கள்
- இதய நோய்களை குறைத்தல்
- ஒஸ்ரியோபொறோசி ஏற்படும் சந்தர்ப்பத்தை குறைத்தல்
கொண்டுள்ள உணவுகள்
போலிக்கமிலம- இலை மரக்கறிகள்
விற்றமின் பி6 - தானியங்கள் ,மரக்கறிகள், பால் ,இறைச்சி
விற்றமின் பி12 - ஈரல் ,பால் ,இறைச்சி [தாவர உணவு உண்பவர்களுக்கு பாலும் பாற் பொருட்களுமே இவ் விற்றமினை வழங்கும்]
விற்றமின் டி - முட்டை ,பால் ,மீனெண்ணெய் ,மதுவம்
விற்றமின் கெ - மரக்கறி ,பழவகைகள், தாவர எண்ணெய் வகை ,மீன் ,ஈரல்

4. கனியுப்புகள்
உ-ம் கல்சியம் ,மக்னீசியம், நாகம்
கிடைக்கும் சுக நலன்கள்
- நோயெதிர்புத்திறனை கூட்டுதல் அல்லது உறுதிபடுத்தல்
- ஒஸ்ரியோபொறோசி ஏற்படும் சந்தர்ப்பத்தை குறைத்தல்
கொண்டுள்ள உணவுகள்
இலை மரக்கறிகள் ,பால் ,இறைச்சி , ஈரல், முட்டை
5. ஒட்சியேற்ற எதிரிகள்
உ-ம் விற்றமின் ஈ ,விற்றமின் சி ,கரோட்டின், பசுந் தேயிலை[Green tea]
கிடைக்கும் சுக நலன்கள்
- புற்று நோய் ஏற்படும் சாத்தியத்தை குறைத்தல்
- டி .என் எ ஒட்சியேற்றத்தை குறைத்தல்
- முதிர்ச்சியை குறைத்தல்
கொண்டுள்ள உணவுகள்
- விற்றமின் ஈ - மரக்கறிகள் ,வித்துகளின் முளையம் ,தாவர எண்ணெய் வகை
- விற்றமின் சி - பழ வகைகள் ,மரக்கறிகள்
- கரோட்டின் - பழ வகைகள் ,இலை மரக்கறிகள் ,கரட் முட்டை ,பூசணிக்காய்
6. புரதங்கள் பெப்ரைட்டுகள் அமினோ அமிலங்கள்
உ-ம் பால் புரத முப் பெப்ரைட்டுகள்
கிடைக்கும் சுக நலன்கள்
- குருதி அழுத்தத்தை குறைத்தல்
கொண்டுள்ள உணவுகள்
- தயிர்
- மோர்
- யோகட்
7. கொழுப்பமிலங்கள்
உ-ம் ஒமேகா 3 கொழுப்பமிலம்
கிடைக்கும் சுக நலன்கள்
- இதய நோய்களை குறைத்தல்
- தோல் புற்று நோய் ஏற்படும் சாத்தியத்தை குறைத்தல்
கொண்டுள்ள உணவுகள்
- சோய அவரை எண்ணெய் நல்லெண்ணெய்
8. தாவர இரசாயனங்கள்
உ-ம் பைட்டஸ்ரரோல் ஐசொபிளேவோன்கள்
கிடைக்கும் சுக நலன்கள்
குருதி கொலஸ்திரோலை குறைத்தல்
ஓமோன்களுடன் சம்பந்தபட்ட நோய்களை சீர்ப்படுத்தல்
கொண்டுள்ள உணவுகள்
- தாவர எண்ணெய்கள்